Luka 11:42 - Sơ̆p Hlabơar Nơ̆r 'Bok Kei-Dei

⁴² “Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.

Luka 11:42 Iomraidhean Croise

Ne 10:37

Lu nhôn pơkă chĕp ba tơpŭng 'ba hle lu nhôn, dôm lu tơmam plei 'long, sik hơmu 'nao păng đak rơmă ôliwơ, na pơjao ăn kơ 'bok soi tah lăm hnam mong hnam akŭm 'Bok Kei-Dei lu nhôn; gah minh lăm mơjĭt lu nhôn chĕp ba ăn kơ bơngai Lêwi; yua kơ lu bơngai Lêwi boih gơh iŏk tơmam noh đơ̆ng kon pơlei pơla lăm đĭ pơlei iĕ lu nhôn.

Tơdrông Pơđơk 21:3

Pơm tơdrong tơpăt, băt pơm tơdrong trŏ Noh Kră Yang lăp đon hloh kơ tơmam soi pơyơ̆r.

Bôk Bơthô 7:18

'Lơ̆ng hloh kơ ih athei 'nĕ kơ pơư kơdih akâu 'lơ̆ng tơpăt, gơh hơgei păng athei areh kơ tơdrong kơnê̆. Yua kơ bơngai bu hli yom kơ Kră Yang 'Bok Kei-Dei sư gơh weh đơ̆ng 'bar tơdrong noh.

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Malachi 3:8

Kon bơngai gơh tơtông iŏk Kră Yang 'Bok Kei-Dei hă? Na iĕm tơtông Inh. Lu iĕm khan: ‘Tơ yơ khan lu nhôn tơtông Ih?’ Lu iĕm đei tơtông boih minh lăm mơjĭt đơ̆ng lăm lu tơmam iĕm pơyơ̆r.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 23:23

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơm hăt hot tĕch lu tơmam hơi thoi lĕ kơ hla lŭng-hŭng, hla gơsơ̆m, hla ĕch, hla hla-kat, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei dôm tơdrong juăt 'Bok Kei-Dei mă kăl hloh thoi lĕ kơ pơm 'lơ̆ng kơ đe, athei 'mêm kơ 'Bok Kei-Dei hăm bôl buăl, tơdrong lui kơ 'Bok Kei-Dei, dôm tơdrong noh iĕm pơhơi ưh kơ wă pơm. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei ưh kơ dang bơ̆n kiơ̆ tơdrong juăt noh hei.

Mathiơ 23:27

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Lăng akâu iĕm rŏ thoi bơsat đe 'nao pơm, mă-lei lăm to đei atâu ôm.

Luka 18:12

Rim giĕng inh juăt kơ ơ̆t kơ por 'bar 'măng. Dôm tơmam inh đei inh juăt kơ pơyơ̆r minh lăm mơjĭt.’

Yo 5:42

Mă-lei gah iĕm, Inh băt lăm to iĕm ưh kơ wă 'mêm kơ 'Bok Kei-Dei tơpă.

I Yo 4:20

Bơngai bu khan sư 'mêm kơ 'Bok Kei-Dei mă-lei oei hil areh kơ 'nhŏng oh sư, bơngai 'noh hơlĕnh đĕch. Dah sư ưh kơ 'mêm kơ 'nhŏng oh sư mă oei hơdai ling-lang, thoi yơ sư gơh 'mêm kơ 'Bok Kei-Dei mă sư ưh kơ 'bôh.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.