Luka 11:41 - Sơ̆p Hlabơar Nơ̆r 'Bok Kei-Dei

⁴¹ Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 11:41 Iomraidhean Croise

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Horiso 41:1

Pŭn dêh bơngai bu mă 'blŏk tơtăm bơngai rơdu tơrăn! Lăm năr anat anot Kră Yang gô tơgŭm dŏng sư.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Mathiơ 26:11

Lu bơngai dơnuh hin sư oei păng iĕm ling-lang, gah Inh ưh kơ oei păng iĕm ling-lang ôh.

Mathiơ 5:42

Bu apinh tơmam iĕm, iĕm athei asong; bu apinh mơng, iĕm athei ăn 'bônh.

Markôs 7:19

Mă tơmam sa kiơ mơ̆t lăm klak kon bơngai ưh kơ sĭ mơ̆t lăm jơhngơ̆m sư pơm kơ sư jing yoch ôh. Tơmam sa mơ̆t lăm klak klaih kơ noh lĕch đĭ.” Thoi noh bơ̆n băt tôm kơ tơmam sa kiơ̆ kơ Yêsu khan tơmam sa rơgoh 'lơ̆ng ngăl ưh kơ đei giĕng kơ sa ôh.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 16:9

“Na Inh khan kơ iĕm thoi âu: Jên boih tơmam ala teh âu đĕch mă-lei iĕm gơh yua jên mơ̆n wă tơgŭm bơngai dơnuh hin, na lăp jên iĕm ưh pă yua boih ning-mônh, iĕm gô đei bôl buăl lơ sơng iŏk iĕm tơ plĕnh ti.

Luka 18:22

Yêsu kơtơ̆ng thoi noh na Sư khan: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ Inh hloi. Thoi noh na ih gô đei mŭk tơmam tơ kơpal plĕnh ti ning-mônh.”

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Jang 10:15

Na Pêtrôs kơtơ̆ng dơ̆ng thoi âu: “Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.”

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.