Luka 11:32 - Sơ̆p Hlabơar Nơ̆r 'Bok Kei-Dei

³² Truh năr 'Bok Kei-Dei sek tơlang ning-mônh lu kon pơlei Ninêwơ kư̆m jô̆ kơ lu jơhnơr iĕm dang ei bơngai yoch mơ̆n, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi. Iĕm âu đei bơngai bơtho hơgei hloh kơ Jôna ră mă-lei kuă kơ tơbral kơdih tơdrong yoch.

Luka 11:32 Iomraidhean Croise

Jôna 3:4

Năr mă mônh Jôna pơtơm mơ̆t lăm pơlei, na bơtho khan: Oei pă puăn-jĭt năr dơ̆ng, Niniwe gô pơchah!

Jôna 3:5

Kon pơlei Niniwe lui kơ Kră Yang 'Bok Kei-Dei. Lu sư roi tơbăt athei hrŭk ao 'bi na ơ̆t kơ sŏng sa, iŏk đơ̆ng bơngai pơm tih yŏng mơng truh tơ lu kon pơlei hmă.

Jôna 4:9

Kră Yang 'Bok Kei-Dei khan kơ Jôna thoi âu: Ih hăm trŏ kơ hil blĕk yua kơ tơnơm hla hro 'nâu? Sư tơl: Inh blĕk 'nâu trŏ, inh blĕk trŏ kơ lôch.

Mathiơ 12:39

Yêsu khan: “Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt kơ Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, na ka luăn sư pêng măng pêng năr, noh kư̆m dang pơm tơdrong mơsêh tơ'bôh kơ iĕm boih.

Mathiơ 12:41

Truh năr 'Bok Kei-Dei sek tơlang ning-mônh lu kon pơlei Ninêwơ jô̆ kơ lu jơhnơr iĕm dang ei bơngai yoch tih, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi, mă-lei iĕm âu đei bơngai bơtho hơgei hloh kơ Jôna ră pơm kuă kơ tơbral kơdih tơdrong yoch.

Luka 11:31

Truh năr 'Bok Kei-Dei sek tơlang ning-mônh, đei yă pơtao đơ̆ng dêh Sêba jô̆ kơ lu jơhnơr iĕm dang ei bơngai yoch tih, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho hơgei. Iĕm âu đei bơngai bơtho hơgei hloh kơ pơtao Sôlômôn bơtho ră mă-lei kuă kơ tơbral kơdih tơdrong yoch.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.