Luka 11:29 - Sơ̆p Hlabơar Nơ̆r 'Bok Kei-Dei

^29-30 Lăp kơ'bêl kơ đe akŭm rai lơ na Yêsu Sư khan: “Lu jơhnơr iĕm dang ei kơnê̆ dêh, pơm pơlong Inh pơm tơdrong mơsêh mơyang wă kơ băt kơ Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh mơyang thoi iĕm apinh noh ôh. Kơplah Jôna năm bơtho lu bơngai Pơlei Ninêwơ sơ̆, tơdrong 'Bok Kei-Dei dŏng sư đơ̆ng đak dơsĭ kư̆m tơbăt kơ lu kon pơlei ei Jôna đơ̆ng 'Bok Kei-Dei tơpă na lu sư bơngai yoch. Na tơdrong 'Bok Kei-Dei wă dŏng Inh Kon Bơngai ning-mônh kơnh kư̆m wă tơbăt kơ jơhnơr iĕm dang ei Inh đơ̆ng Sư mơ̆n, na iĕm bơngai yoch.

Luka 11:29 Iomraidhean Croise

Êsêkiên 24:24

Êsêkiên jing tơdra kơ lu iĕm, tơdrong mă sư hlôi pơm boih, lu iĕm gô pơm thoi noh. Tơdah tơdrong 'nâu truh, kơplah noh lu iĕm gô băt Inh boih Kră Yang.

Jôna 1:1

Đei nơ̆r Kră Yang khan kơ Jôna kon drŏ-nglo Amitai thoi âu:

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Markôs 8:38

Ning-mônh Inh Kon Bơngai gô jur tơ ala teh âu hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu kiơ̆ Inh boih, mă-lei sư kơdơ̆ mơlâu kơ lu bơngai kơnê̆ tam lui na sư kuă kơ bơtho lu sư tơdrong Inh, năr 'noh kơnh Inh kư̆m kuă kơ sư mơ̆n.”

Luka 11:16

Đei lu mơ'nah dơ̆ng wă pơlong lăng Sư, athei Sư pơm tơdrong mơsêh mơyang đơ̆ng 'Bok Kei-Dei, mă-lei Yêsu ưh kơ wă pơm ôh.

Luka 11:50

Yua kơ thoi noh na Inh khan kơ iĕm thoi âu: Lu bơngai pơtruh nơ̆r 'Bok Kei-Dei mă lu 'bok iĕm pơlôch sơ̆, đơ̆ng blŭng-a 'Bok Kei-Dei pơjing plĕnh teh truh dang ei,

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 9:41

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Yo 2:18

Lu bơngai Juđê khan kơ Yêsu: “Ih pơm kơ nhôn mơsêh mơyang Ih bĕ, lei na nhôn lui kơ 'Bok Kei-Dei Sư ăn kơ Ih pơpuh lu đe âu đơ̆ng hnam akŭm âu.”

Yo 6:30

Lu bơngai tơpôl ei khan: “Lei Ih pơm tơ'bôh kơ nhôn tơdrong mơsêh mơyang Ih bĕ, na nhôn lui kơ Ih. Ih wă pơm kơ nhôn tơdrong mơsêh mơyang kiơ?

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

I Kor 1:22

Khŭl bơngai Juđê, lu sư wă kơ 'bôh tơdrong mơsêh 'mơ̆i na lui; gah khŭl bơngai Grĕk, lu sư lui kiơ̆ kơ đe bơtho hơgei đĕch.