Luka 11:2 - Sơ̆p Hlabơar Nơ̆r 'Bok Kei-Dei

² Na Yêsu khan: “Iĕm krao khan thoi âu: ‘Ơ 'Bă, ăn anăn Ih jing ư-ang. Ăn kơ dêh char Ih tĕnh truh.

Luka 11:2 Iomraidhean Croise

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

II Ho 20:6

Sư krao khan: “Ơ Kră Yang 'Bok Kei-Dei 'bok lu nhôn Ih hăm Kră Yang 'Bok Kei-Dei oei kơpal plĕnh? Ih boih Kră Yang 'Bok Kei-Dei wei pơgơ̆r đĭ kon bơngai păng đĭ kơ teh đak Lăm tơpang ti Ih đei tơdrong mơsêh pran kơtang ưh kơ đei bu kĕ tơblah hăm Ih.

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Horiso 108:5

Ơ Kră Yang, ăn kơ anăn ih đe pơyom kơjung hloh kơ plĕnh; Ăn tơdrong ư-ang Ih tơ jơ̆p kơpal teh đak!

Horiso 11:4

Kră Yang oei tơ Anih 'lơ̆ng rơgoh Sư; Tang-dŏ Pơtao Sư tơ plĕnh ti; Măt Sư nger lăng, Gơnur măt Sư tưk lăng kơchăm tơ kon bơngai,

Horiso 57:11

Ơ Kră Yang 'Bok Kei-Dei ăn kơ anăn Ih kơkuh pơyom hloh tơ kơpal plĕnh. Ăn kơ tơdrong ư-ang Ih tơ jơ̆p kơ teh đak.

Bôk Bơthô 5:2

'Nĕ kơ hăt pơma păng jơhngơ̆m ih 'nĕ kơ hăt hot lĕch nơ̆r pơkă 'bơ̆t anăp Kră Yang 'Bok Kei-Dei, yua kơ Kră Yang 'Bok Kei-Dei oei tơ kơpal plĕnh ti, na ih oei tơ ala teh. Lei ih athei wei 'bơ̆r rim nơ̆r pơma mă 'lơ̆ng.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Êsêkiên 36:23

Inh gô hơmet ming anăn 'lơ̆ng rơgoh Inh anăn mă lu iĕm pơm pơ'mê̆ boih tơ lăm lu dêh char, noh anăn Inh mă lu iĕm hlôi pơm pơ'mê̆ 'bơ̆t anăp lu sư, Kră Yang khan: Thoi noh lu adrĕch adrung gô băt Inh boih Kră Yang, 'bơ̆t anăp lu sư Inh gô tơ'bôh pơdah tơdrong rơgoh 'lơ̆ng Inh lăm lu iĕm 'bơ̆t anăp lu sư.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 7:18

Mă-lei lu 'bok 'lơ̆ng rơgoh đơ̆ng Kră Yang 'Bok Kei-Dei Tih hloh gô iŏk dêh char pơtao sư, dêh char noh oei oei ling-lang ưh pă đei tôch.

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Lêwi 22:23

Lu iĕm gơh rôp minh pôm rơmo dah triu đei jơ̆ng kơjung hnang, dah kơđeh hnang wă pơm tơmam soi lăp đon 'maih wă, mă-lei gah tơmam soi pơsĭt tơdrong pơkă, kon sem tơmam soi thoi noh Kră Yang ưh kơ iŏk ôh.

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Mathiơ 10:32

“Bu roi kơ đe khan sư lui kơ Inh, Inh kư̆m roi kơ 'Bă Inh tơ plĕnh ti, bơngai 'noh sư lui kơ Inh tơpă.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 11:1

Minh năr ei Yêsu oei krao khan tơ minh anih ei. Lăp đang kơ Sư krao khan boih đei minh 'nu bơngai pơhrăm păng Yêsu khan kơ Sư: “Ơ 'Bok, sơ̆ Yôhan bơtho lu bơngai pơhrăm păng Sư krao khan. Dang ei nhôn kư̆m 'maih kơ Ih bơtho nhôn lei-lăi thoi noh mơ̆n.”

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

I Kor 1:3

Nhôn apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

II Kor 1:2

Nhôn apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Galati 1:4

Kră Yang bơ̆n Yêsu Krist ăn akâu Sư kơdih wă lôch tang bơ̆n pơklaih bơ̆n đơ̆ng tơdrong yoch. Sư lôch tang bơ̆n wă iŏk bơ̆n đơ̆ng lu bơngai kơnê̆ ahrei âu. Sư pơm thoi noh wă kơ trŏ thoi 'Bă tơm bơ̆n 'Bok Kei-Dei wă.

Êphêsô 1:2

Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Philip 1:2

Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Philip 4:20

Ư-ang 'Bă tơm bơ̆n 'Bok Kei-Dei ling-lang ưh kơ layơ tôch. A-men.

Kôlôsê 1:2

chih hơpong kơ iĕm lu kon 'Bok Kei-Dei tơ Pơlei Kôlôssê, lu iĕm bơngai lui kơjăp minh jơhngơ̆m minh đon hăm Yêsu Krist. Inh krao khan apinh 'Bă tơm bơ̆n 'Bok Kei-Dei wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Tes 1:1

Nhôn pêng 'nu, Pôl, Silas, Timôthê, chih hơpong kơ lu bơngai lui tơ pơlei Têsalônik. 'Bă tơm bơ̆n 'Bok Kei-Dei păng Kră Yang bơ̆n Yêsu Krist wei-lăng iĕm ling-lang. Nhôn krao khan apinh Sư tơgŭm iĕm lăm tôm tơdrong wă kơ Sư ăn kơ iĕm hiôk-hian.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.