Luka 11:19 - Sơ̆p Hlabơar Nơ̆r 'Bok Kei-Dei

¹⁹ Iĕm jô̆ kơ Inh thoi noh lei bĭ buăl iĕm gơh pơpuh yang kơnê̆ noh, sư gơh đơ̆ng yơ? Đơ̆ng yang noh mơ̆n dah đơ̆ng yơ? Bơ̆n băt kơ đơ̆ng 'Bok Kei-Dei tơgŭm lu sư ngăl. Thoi noh na lu buăl iĕm kư̆m băt kơ iĕm pơma kơ Inh kư̆ kă đĕch.

Luka 11:19 Iomraidhean Croise

Jop 15:6

'Bơ̆r ih kơdih jâu ih yoch, ưh kơ sĭ kơ inh ôh; Hơkŭng ih pơm kơdranh tơ'bôh plơ̆ kơ ih.

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Luka 19:22

Na yŏng sư khan: ‘Ơ dăm, ih bơngai ưh kơ chu dêh. Ih jô̆ kơ inh iŏk jên đơ̆ng iĕm mơdro thoi lĕ bơngai kĕch iŏk 'ba đơ̆ng đêl đe pơtăm hă?

Luka 9:49

Na Yôhan khan kơ Yêsu: “Ơ 'Bok Thây, nhôn 'bôh minh 'nu bơngai gơnang kơ anăn Ih wă pơpuh yang kơnê̆ đơ̆ng đe, na nhôn khă sư yua kơ sư ưh kơ jang hơdai bơ̆n.”

Jang 19:13

Tơ ei kư̆m đei lu bơngai Juđê năm jơ̆p-jang tơ lu bơngai ưh kơ lui, mă sư kư̆m ưh kơ lui mơ̆n, wă pơpuh yang kơnê̆ đơ̆ng akâu đe. Sư wă pơm thoi Pôl na lu sư hơdai yua anăn Kră Yang Yêsu wă pơpuh. Đei tơpơh 'nu kon tơdăm Sewơ pơm thoi noh. Sewơ pơm 'bok soi tih bơngai Juđê. Lu sư khan kơ yang kơnê̆ thoi âu: “Pôl bơtho tơdrong Yêsu, na inh yua anăn Yêsu, inh athei e lĕch đơ̆ng bơngai âu.”

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.