Luka 10:7 - Sơ̆p Hlabơar Nơ̆r 'Bok Kei-Dei

⁷ Na iĕm kư̆ kơ oei tơ hnam noh khŏm khŏm. Iĕm lê̆ kơ sư 'me iĕm, yua kơ iĕm bơtho sư tơdrong 'Bok Kei-Dei, kư̆m dang lĕ jang tơgŭm sư mơ̆n. Iĕm 'nĕ chă oei jơ̆p jơ̆p kơ hnam đe.

Luka 10:7 Iomraidhean Croise

Jo 18:31

Lu iĕm păng hnam dơnŏ iĕm iŏk sa đơ̆ng anih ayơ kư̆m bưh, yua kơ noh tơdrong apah đêl lu iĕm jang lăm Bơsŭn Anih Akŭm.

Markôs 6:10

Sư khan kơ lu đe ei thoi âu: “Dah iĕm mơ̆t oei tơ hnam ayơ, iĕm oei hloi tơ hnam 'noh đĕch truh tơ năr iĕm wă năm tơ pơlei nai.

Luka 10:6

Dah bơngai lăm hnam ei bơngai 'lơ̆ng, lei 'Bok Kei-Dei gô ăn kơ sư chơt hiôk tơpă. Dah sư ưh kơ bơngai 'lơ̆ng, lei 'Bok Kei-Dei ưh kơ ăn kơ sư chơt hiôk ôh.

Luka 9:4

Dah iĕm mơ̆t oei tơ hnam ayơ, iĕm oei hloi tơ hnam noh đĕch truh tơ năr iĕm wă năm tơ pơlei nai.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Jang 16:40

Na bre Pôl păng Silas đơ̆ng hnam phak ei năm tơ hnam yă Liđa hơpong kơ lu bơngai lui. Bre sư bơtho khan kơ lu sư wă kơ sư lui mă kơjăp đei jơhngơ̆m chơt hiôk. Đơ̆ng rŏng kơ 'noh bre sư jăk đơ̆ng pơlei ei.

Galati 6:6

Gah lu 'bok thây mă bơtho tơdrong 'Bok Kei-Dei kơ lu bơ̆n, bơ̆n athei tơgŭm asong sư tơmam bơ̆n.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 18:8

Bơngai noh kư̆m oei đei asong tơmam sa lei-lăi lăm lu 'nhŏng oh sư, mă khan sư đei boih jên đơ̆ng tĕch tơmam hnam dơnŏ sư.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.