Luka 10:6 - Sơ̆p Hlabơar Nơ̆r 'Bok Kei-Dei

⁶ Dah bơngai lăm hnam ei bơngai 'lơ̆ng, lei 'Bok Kei-Dei gô ăn kơ sư chơt hiôk tơpă. Dah sư ưh kơ bơngai 'lơ̆ng, lei 'Bok Kei-Dei ưh kơ ăn kơ sư chơt hiôk ôh.

Luka 10:6 Iomraidhean Croise

Horiso 35:13

Gah inh 'bơ̆t năr sư jĭ, inh hrŭk 'bi. Ơ̆t kơ por pơmat akâu inh Nơ̆r inh krao khan ưh kơ đei tơl tơwih.c

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Luka 10:5

Lăp wă mơ̆t tơ hnam đe, iĕm khan: ‘'Bok Kei-Dei ăn kơ hnam iĕm chơt hiôk.’

Luka 10:7

Na iĕm kư̆ kơ oei tơ hnam noh khŏm khŏm. Iĕm lê̆ kơ sư 'me iĕm, yua kơ iĕm bơtho sư tơdrong 'Bok Kei-Dei, kư̆m dang lĕ jang tơgŭm sư mơ̆n. Iĕm 'nĕ chă oei jơ̆p jơ̆p kơ hnam đe.

Êphêsô 5:6

Iĕm 'nĕ kơ lui kơ đe pơhlŭ iĕm kiơ̆ dôm tơdrong kơnê̆ noh mă sư khan tơdrong 'lơ̆ng. Lu bơngai thoi noh ưh kơ chu 'Bok Kei-Dei. 'Bok Kei-Dei hil tơpă kơ lu sư, gô phak lu sư.

II Tes 3:16

Kră Yang Yêsu Krist boih ăn kơ bơ̆n hiôk-hian. Nhôn krao khan apinh Sư ăn kơ iĕm hiôk-hian ling-lang lăm tôm tơdrong păng nhôn apinh Sư oei hơdai rim 'nu kơ lu iĕm.

Ya 3:18

Lu bơngai ngôi đĕch adrĕch ngôi hiôk sư wă pơhiôk đe ling-lang, ưh kơ layơ areh kơ bôl buăl, sư pơm tôm tơdrong 'lơ̆ng bôl buăl 'beh kơ sư, thoi noh na đĭ-đăng kơ bôl buăl hơdai wang băt kơ pơm 'lơ̆ng dih băl.

I Pet 1:14

Sơ̆ iĕm ưh kơ hlôh tơdrong 'Bok Kei-Dei na iĕm hưch hanh lơ tơdrong kơnê̆. Dang ei iĕm jing kon 'Bok Kei-Dei boih, iĕm athei chu kơ 'Bok Kei-Dei, 'nĕ pă pơm tơdrong kơnê̆ dơ̆ng.

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.