Luka 10:29 - Sơ̆p Hlabơar Nơ̆r 'Bok Kei-Dei

²⁹ Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Luka 10:29 Iomraidhean Croise

Jop 32:2

Mă-lei Êlihu, kon drŏ-nglo Barakel, bơngai Busit, adrĕch adrung Ram, Sư hil kơ Jop, yua kơ Jop khan sư bơngai 'lơ̆ng tơpăt hloh kơ Kră Yang 'Bok Kei-Dei 'lơ̆ng.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Markôs 8:34

Yêsu krao bơngai tơpôl lơ păng lu bơngai pơhrăm păng Sư mơ̆n năm tơ Sư. Na Sư khan: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Luka 10:36

Na Yêsu jet 'bok thây noh: “Lăm pêng 'nu bơngai noh, ih lăng bơngai ayơ bôl buăl păng bơngai mă jĭ kơ lu bơngai tơtông teh noh?”

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 4:2

Lu bơngai Juđê juăt kơ ư-ang Abraham, khan Abraham kĕ kiơ̆ tôm tơdrong juăt 'Bok Kei-Dei pơkă, na 'Bok Kei-Dei lăp đon kơ sư. Mă-lei 'Bok Kei-Dei ưh kơ tơchĕng thoi noh ôh.

Galati 3:11

Thoi âu dơ̆ng, bơ̆n băt boih dôm lu bơngai mă gơnang kơ akâu sư kơdih pơm kiơ̆ tơdrong juăt Môis, lu sư 'noh 'Bok Kei-Dei ưh kơ jô̆ lu sư bơngai 'lơ̆ng ôh. Bơ̆n băt thoi noh boih yua kơ sơ̆p hla bơar 'Bok Kei-Dei khan boih thoi âu: “Bơngai bu lui păng gơnang kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Ya 2:24

Thoi noh iĕm kư̆m băt mơ̆n 'Bok Kei-Dei jô̆ bơ̆n bơngai 'lơ̆ng tơpăt yua kơ bơ̆n lui păng pơm kiơ̆ hloi dôm tơdrong Sư pơkă, ưh kơ sĭ khan yua kơ bơ̆n lui đĕch ôh.