Luka 10:24 - Sơ̆p Hlabơar Nơ̆r 'Bok Kei-Dei

²⁴ Inh khan kơ iĕm tơpă, đei lơ bơngai pơtruh nơ̆r 'Bok Kei-Dei păng lu đe 'bok pơtao sơ̆ 'maih 'bôh tơpă dôm tơdrong mă iĕm 'bôh dang ei ră, mă-lei lu sư ưh kơ đei 'bôh ôh. Lu sư 'maih mơ̆ng dôm tơdrong iĕm kơtơ̆ng dang ei ră, mă-lei lu sư ưh kơ đei kơtơ̆ng ôh.”

Luka 10:24 Iomraidhean Croise

Mathiơ 13:16

Yêsu oei pơma kơ lu bơngai pơhrăm păng Sư khan: “Mă-lei gah lu iĕm âu, iĕm hiôk yua kơ măt iĕm 'bôh, đon iĕm gơh hlôh.

Luka 10:23

Đơ̆ng noh na Yêsu hue tơ lu bơngai pơhrăm păng Sư na Yêsu khan kơdrô̆ lu sư: “Dôm lu bơngai 'bôh tôm tơdrong iĕm 'bôh Inh pơm ahrei, lu sư hiôk tơpă.

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Yo 8:56

'Bă iĕm Abraham hiôk chơt kơlih kơ sư băt sư gô 'bôh năr Inh truh. Sư 'bôh boih na sư hiôk chơt tơpă.”

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 11:39

'Bok Kei-Dei jô̆ đĭ-đăng kơ lu sư đei đon lui kơjăp, mă-lei kơplah lu sư oei tơ teh sơ̆, lu sư ưh tam mă đei tơdrong 'Bok Kei-Dei pơkă ôh.