Luka 10:22 - Sơ̆p Hlabơar Nơ̆r 'Bok Kei-Dei

²² “'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Luka 10:22 Iomraidhean Croise

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Yo 10:15

kư̆m thoi 'Bă Inh băt kơ Inh, na Inh băt kơ Sư mơ̆n. Na Inh athei chu lôch yua kơ triu Inh.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 17:10

Dôm lu bơngai Inh dang bơngai Ih păng đĭ-đăng bơngai Ih dang bơngai Inh mơ̆n. Lu sư kư̆m pơư pơang Inh.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 17:26

Inh tơhlôh kơ lu sư dôm tơdrong Ih. Păng Inh oei tơhlôh kơ lu sư wă kơ lu sư băt tơpă Ih 'mêm kơ lu sư, kư̆m thoi Ih 'mêm kơ Inh; păng Inh gô oei lăm lu sư mơ̆n.”

Yo 17:5

Na dang ei ơ 'Bă, atŏk inh brŏk oei păng Ih mă hiôk hơiă bĕ 'Bă, kư̆m thoi Inh oei hơdai hăm Ih mă hơdrol kơ Ih pơjing plĕnh teh sơ̆ hiôk hơiă tơpă.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

I Kor 15:24

'Bơ̆t 'noh boih năr tôch, na dôm lu bơngai juăt kơ pơgơ̆r păng dôm lu yang nai mă hơdai wang 'maih pơgơ̆r, năr 'noh kơnh lu sư gô thuơ kơ Yêsu Krist đĭ na Yêsu gô pơjao ăn kơ 'Bă Sư pơgơ̆r đĭ-đăng tôm tơdrong.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Êphêsô 1:21

na ăn kơ Sư pơgơ̆r tôm lu 'bok pơgơ̆r, lu linh jang, lu yang nai, tôm kơ lu Sư pơgơ̆r mă pơgơ̆r dang ei, mă pơgơ̆r ning-mônh dah layơ tă Yêsu pơgơ̆r ngăl.

Hêbrơ 2:8

nhôn gơh pơgơ̆r tôm tơdrong.” Tơ̆ng thoi ei tơpă, ưh kơ đei tơdrong kiơ mă kon bơngai ưh kơ gơh pơgơ̆r. Mă-lei dang ei bơ̆n ưh tam 'bôh kon bơngai pơgơ̆r tôm tơdrong.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

II Yo 1:9

Bơngai bu khan sư băt hloh kơ bơ̆n mă sư ưh kơ wă kiơ̆ thoi Yêsu Krist bơtho, bơngai 'noh 'Bok Kei-Dei ưh kơ oei hơdai păng sư ôh. Dah bơngai bu oei kiơ̆ dôm tơdrong Yêsu Krist bơtho, bơngai 'noh 'Bă tơm bơ̆n 'Bok Kei-Dei păng Kon Sư Yêsu Krist oei hơdai păng sư.