Luka 10:2 - Sơ̆p Hlabơar Nơ̆r 'Bok Kei-Dei

² Yêsu pơma pơtih gia kơ lu sư gah tơdrong đei lơ bơngai tam mă lui đei hui bơngai năm bơtho lu sư: “'Ba lơ ră mă-lei hui bơngai năm kĕch ăn. Thoi noh na bơ̆n athei adrin krao khan apinh tơ'ngla tơm mir wă wơh lơ bơngai năm tơgŭm kĕch.

Luka 10:2 Iomraidhean Croise

I Pot 18:22

Na Êli khan kơ lu kon pơlei pơla: “Inh, lăp minh 'nu inh đĕch bơngai khan lê̆ adrol mă Kră Yang yua mă oei oei, lu bơngai khan lê̆ adrol gah yang Baal đei puăn-hrĕng pơđăm-jĭt 'nu.

Horiso 68:11

Kră Yang hơtă nơ̆r; mă lu drŏ-kăn kư̆m roi tơbăt nơ̆r ei kư̆m thoi minh khŭl lơ dêh.

Je 3:15

Inh gô ăn kơ iĕm lu bơngai wei-lăng kiơ̆ thoi Inh lăp; lu sư gô wei rong chông anhăk lu iĕm hăm tơdrong gơh hơgei hlôh wao.”

Sa 11:17

Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Sa 11:5

lu bơngai răt triu pơlôch đĭ triu pơm 'nhĕm huay kơ jô̆ khan pơm yoch. Lu bơngai mă tĕch lu sư khan: Kră Yang trŏ kơ ư-ang, yua kơ inh mơdrŏng bơih; păng lăm lu bơngai wei triu ưh kơ đei minh 'nu bơngai bu mă 'mêm kơ lu triu.”

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 11:29

Môis tơl sư: Ih wă chrih gar kơ inh loh? Ô! Apơi rŏ kơ đĭ-đăng kon pơlei Kră Yang gơh pơma khan lê̆ adrol păng rŏ kơ Kră Yang ăn Yang Bơhngol kơ lu sư.

Mathiơ 20:1

“Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Markôs 16:20

Klaih kơ noh lu bơngai pơhrăm păng Sư năm chă bơtho jơ̆p-jang. Kră Yang Yêsu kư̆m tơgŭm lu sư jang gơh pơm tôm tơdrong mơsêh wă kơ đe băt kơ lu sư bơtho tơdrong 'Bok Kei-Dei tơpă.

Luka 9:1

Yêsu krao mơjĭt-'bar 'nu bơngai pơhrăm păng Sư, ăn kơ lu sư gơh pơpuh tơlĕch lu yang kơnê̆ đơ̆ng akâu bơngai păng ăn kơ lu sư gơh pơklaih tơdrong jĭ jăn.

Jang 11:19

Lăp đe pơlôch Êtien đe kư̆m pơm lơ tơdrong kơnê̆ kơ lu bơngai lui mơ̆n. Na lu bơngai lui kư̆m jăk truh tơ dêh Phênisi, dêh Chiprơ păng Pơlei Antiôs mơ̆n păng bơtho Tơdrong 'Nao 'Lơ̆ng kơ bơngai Juđê ngăl.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

Jang 13:4

Yua kơ Yang Bơhngol 'Lơ̆ng wơh bre sư năm na bre sư năm hloi tơ Pơlei Sêlusi. Đơ̆ng noh na bre sư tŏk thŏng-nan năm tơ bŏl đak đe anăn Chiprơ.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Jang 8:4

Na lu bơngai jăk đơ̆ng Pơlei Jêrusalem ei, lu sư năm bơtho nơ̆r 'Bok Kei-Dei jơ̆p jơ̆p.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Philip 2:21

Bơngai nai jang tơchĕng kơ akâu sư kơdih đĕch, ưh kơ tơchĕng kơ tơdrong Yêsu Krist tơpă ôh.

Philip 2:25

Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.

Philip 2:30

Sư jĭ wă lôch yua kơ sư adrin jang tơdrong Yêsu Krist tang iĕm, yua kơ iĕm ataih ưh kơ gơh jang tơgŭm inh. Mă-lei sư ưh kơ hli kơ lôch ôh.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

I Tes 5:12

Ơ 'nhŏng oh, nhôn wă kơ iĕm lui yom kơ lu bơngai jang tơdrong 'Bok Kei-Dei păng lu bơngai mă Kră Yang Yêsu Krist rơih wă wei-lăng iĕm păng bơtho iĕm.

II Tes 3:1

Ơ lu 'nhŏng oh, tơdrong âu dơ̆ng: Lu iĕm krao khan kơ 'Bok Kei-Dei tơgŭm nhôn 'biơ̆ hŏ, wă kơ lu nhôn gơh bơtho tơdrong Kră Yang Yêsu Krist jơ̆p-jang, wă kơ lơ bơngai lui hăm băt ư-ang tơdrong 'nao 'lơ̆ng Sư, kư̆m thoi iĕm ư-ang tơdrong Sư dang ei mơ̆n.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

II Tim 4:5

Mă-lei ih athei đei jơhngơ̆m chơ̆n lăm tôm tơdrong. Mă pơmat ih kư̆ adrin 'nĕ hŭt tơdrong pơm đon 'lơ̆ng tơpăt, bơtho tơdrong 'nao 'lơ̆ng Kră Yang Yêsu Krist ling-lang, adrin jang tôm tơdrong 'Bok Kei-Dei.

Phil 1:1

Hmach bơnê kơ ih, Philêmôn. Anăn inh Pôl oei lăm hnam phak yua kơ inh lui kơ Kră Yang Yêsu Krist. Nhi oh bơ̆n Timôthê chih hơpong kơ ih Philêmôn. Nhôn 'mêm kơ ih tơpă yua kơ ih jang tơdrong 'Bok Kei-Dei thoi nhôn mơ̆n.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu: