Luka 10:14 - Sơ̆p Hlabơar Nơ̆r 'Bok Kei-Dei

¹⁴ Truh năr 'Bok Kei-Dei sek tơlang ning-mônh, Sư gô phak Pơlei Tirơ păng Pơlei Siđôn hơiơch 'biơ̆ kơ pơlei iĕm mă khan 'bar tŏ pơlei noh pơlei dêh tơmoi.

Luka 10:14 Iomraidhean Croise

Jôel 3:4

Ơ pơlei Tirơ păng pơlei Siđôn păng đĭ tơring Philistin, lu iĕm đei tơdrong kiơ păng Inh? Lu iĕm wă blah plơ̆ Inh hă? Tơdah lu iĕm blah plơ̆ Inh, Inh gô ăn tơdrong iĕm blah plơ̆ Inh wih plơ̆ tĕnh hloi tơ kơ̆l lu iĕm,

Am 1:9

Kră Yang khan: Yua kơ đơ̆ng kon pơlei Tirơ pơm yoch rai kơnê̆ hloh kơ adrol, thoi ei na Inh ưh kơ lê̆ ôh wă phak lu sư; yua kơ lu sư jao boih đĭ-đăng kon pơlei kơ kon pơlei Eđôm, ưh pă 'blŏk kơ tơdrong pơgơ̆p băl tơduă 'nhŏng oh.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

Rom 2:27

Lu iĕm bơngai Juđê, 'Bok Kei-Dei chih pơkă ăn tơdrong juăt Sư đơ̆ng sơ̆ boih păng iĕm kư̆m kăt tơdra akar thoi 'Bok Kei-Dei pơkă mơ̆n. Mă-lei iĕm ưh kơ kiơ̆ tơdrong juăt Sư pơkă kơ iĕm noh ôh. Tă tơ lu bơngai nai dơ̆ng ưh kơ kăt tơdra akar, mă-lei lu sư mơ'nah kiơ̆ tơdrong juăt 'Bok Kei-Dei pơkă hloh loi kơ iĕm dơ̆ng. Thoi noh ning-mônh lu sư gô jô̆ kơ iĕm bơngai yoch tơpă.