Luka 10:11 - Sơ̆p Hlabơar Nơ̆r 'Bok Kei-Dei

¹¹ ‘'Bruih pơlei iĕm mă đom tơ jơ̆ng nhôn, nhôn sơpuih đĭ boih. 'Noh wă tơbăt kơ iĕm 'Bok Kei-Dei wă phak iĕm. Nhôn wă tơbăt kơ iĕm tơdrong 'Bok Kei-Dei wă pơgơ̆r iĕm ră mă-lei iĕm pơm ưh kơ chu.’

Luka 10:11 Iomraidhean Croise

Êsêkiên 2:5

Mă lu sư mơ̆ng dah ưh, yua kơ lu sư adrĕch adrung ayăt kơ Inh, lu sư kư̆m gô băt, lăm lu sư đei boih 'bok khan lê̆ adrol.

Mathiơ 10:14

Anih hnam ayơ dah pơlei ayơ ưh kơ sơng iŏk iĕm păng ưh kơ wă mơ̆ng tơdrong iĕm bơtho sư, thoi noh na lăp iĕm brŏk đơ̆ng pơlei 'noh iĕm sơpuih 'bruih tơ jơ̆ng iĕm tơbăt ăn kơ lu sư 'Bok Kei-Dei wă phak lu sư ning-mônh.

Mathiơ 10:7

Iĕm năm bơtho lu sư khan: ‘Năr âu trŏ năr 'Bok Kei-Dei wă pơgơ̆r iĕm boih.’

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 6:11

Dah anih tơ yơ yơ ưh kơ sơng iŏk iĕm păng ưh kơ mơ̆ng nơ̆r iĕm bơtho, thoi noh na lăp iĕm brŏk đơ̆ng pơlei noh iĕm sơpuih 'bruih tơ jơ̆ng iĕm tơbăt kơ lu sư 'Bok Kei-Dei wă phak lu sư ning-mônh.”

Luka 10:10

Pơlei ayơ ưh kơ wă sơng iŏk iĕm, iĕm năm tơ cham pơlei noh na khan:

Luka 10:9

Na iĕm pơklaih lu bơngai jĭ jăn tơ noh păng tơbăt kơ lu sư khan: ‘'Bok Kei-Dei wă pơgơ̆r lu iĕm boih.’

Luka 9:5

Dah pơlei ayơ ưh kơ wă sơng iŏk iĕm, thoi noh na lăp iĕm brŏk đơ̆ng pơlei noh iĕm sơpuih 'bruih tơ jơ̆ng iĕm wă tơbăt ăn kơ lu sư 'Bok Kei-Dei wă phak ning-mônh.”

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Jang 13:40

Na iĕm kơchăng bĕ, hli kơ nơ̆r bơngai khan lê̆ hơdrol gô 'blep kơ iĕm tơpă. Sư khan thoi âu sơ̆:

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 13:51

Na bre sư sơpuih 'bruih tơ jơ̆ng bre sư wă tơbăt kơ lu sư, lu sư bơngai yoch. Na bre Pôl năm hloi tơ Pơlei Ikôni.

Rom 10:21

Gah lu bơngai Isơrael 'Bok Kei-Dei khan: “Inh oei chang gô lu bơngai Isơrael ling-lang wă kơ lu sư jah wih tơ Inh, mă-lei lu sư oei arăng kơ̆l ưh kơ wă wih ôh.”

Rom 10:8

'Noh ưh kơ kăl ôh. Tơ̆ng bơ̆n tŏk chă, noh kư̆m anat lei-lăi thoi bơ̆n gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, kư̆m ưh kơ gơh klaih đơ̆ng tơdrong yoch ôh. Bơ̆n băt pôm lui kơ Yêsu Krist đĕch klaih tơpă đơ̆ng tơdrong yoch. Nhôn bơtho ăn kơ iĕm tơdrong lui kơ Yêsu Krist noh ưh kơ ataih, ưh kơ anat ôh; sư jê̆ jê̆ dang 'bơ̆t 'bơ̆r păng lăm jơhngơ̆m đon bơ̆n đĕch.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.