Luka 10:1 - Sơ̆p Hlabơar Nơ̆r 'Bok Kei-Dei

¹ Đơ̆ng noh Kră Yang Yêsu rơih tơpơh-jĭt 'nu bơngai, na wơh lu sư chă năm bơtho rim pơlei 'bơ'bar 'nu hơdrol kơ Yêsu wă năm.

Luka 10:1 Iomraidhean Croise

Êsêkiên 8:11

'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Jo 11:16

Kră Yang khan kơ Môis dơ̆ng thoi âu: Krao akŭm bĕ kơ inh tơpơh-jĭt 'nu lu kră pơgơ̆r bơngai Isơrael wă khan dôm lu kră wei-lăng kon pơlei mă ih băt; ba lu sư năm tơ Bơsŭn Anih Akŭm, dơ̆ng 'bơ̆t noh hơdai ih.

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Luka 1:76

Ơ dăm, gah ih âu đe gô anăn ih bơngai pơtruh nơ̆r 'Bok Kei-Dei mă Kră Yang Tih Hloh, yua kơ ih gô năm hơdrol kơ Kră Yang wă hơmet ming kon bơngai hơdrol kơ Sư truh.

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Luka 7:19

Đơ̆ng noh na Yôhan krao 'bar 'nu bơngai pơhrăm păng sư, wơh bre sư năm tơ Kră Yang Yêsu wă jet Sư thoi âu: “Ih hăm trŏ kơ 'Bok Krist mă Yôhan khan gô truh, dah nhôn oei gô bơngai nai dơ̆ng?”

Luka 9:52

Thoi noh na Sư wơh lu bôl Sư năm hơdrol kơ Sư wă hơmet kơ Yêsu minh pôm anih oei tơ pơlei đe lăm dêh char Samri.