Luka 1:8 - Sơ̆p Hlabơar Nơ̆r 'Bok Kei-Dei

⁸ Minh năr ei 'bok Sachari jang tơdrong 'Bok Kei-Dei tơ hnam akŭm 'Bok Kei-Dei tơm tơ Pơlei Jêrusalem yua kơ trŏ năr lu khŭl sư jang tơ noh.

Luka 1:8 Iomraidhean Croise

I Ho 24:19

'Nâu bơih khŭl bơngai bơ̆jang lăm hnam Kră Yang, kiơ̆ kơ tơdrong juăt 'bok lu sư Arôn pơkă bơtho ăn kiơ̆ thoi nơ̆r Kră Yang 'Bok Kei-Dei Isơrael pơkă ăn kơ sư.

I Ho 24:2

Mă-lei Nađap păng Abihu lôch adrol kơ 'bă lu sư păng ưh kơ đei kon; na Êlêasar păng Ithamar pơm 'bok soi.

II Ho 11:14

Lu bơngai Lêwi mă achăng lê̆ pơlei hăm teh jang sa lu sư năm oei tơ char Juđa păng pơlei tih Jêrusalem, yua kơ Jêrôbôam hăm lu kon drŏ-nglo sư pơpuh lu sư, ưh pă ăn kơ lu sư pơm 'bok soi jang kơ Kră Yang dơ̆ng.

II Ho 31:19

Gah lu 'bok soi kon sâu Arôn, mă oei tơ mir na, tơ jê̆ kơ pơlei lu sư, dah oei tơ lăm rim pơlei nai, lu sư jang asong tơmam kơ đĭ-đăng kon drŏ-nglo lăm lu 'bok soi păng lăm lu bơngai Lêwi chih jô̆ boih lăm adrĕch 'bok lu sư.

II Ho 31:2

Hesekia klah asong lu 'bok soi păng lu bơngai Lêwi, kiơ̆ kơ khŭl tơdrong jang lu sư, wă pơyơ̆r tơmam soi 'buh păng tơmam soi pơyơ̆r kơ 'blŏk bơnê, wă kơkuh bơnê păng hơri ư-ang tơ anih lu 'măng jang cham Hnam Kră Yang.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Esơra 6:18

Lu 'bok soi păng lu bơngai Lêwi kiơ̆ kơ khŭl lu sư klah asong wă bơ̆jang kơ Kră Yang 'Bok Kei-Dei tơ Pơlei Jêrusalem, kiơ̆ thoi lăm sơ̆p hla bơar Môis đei chih.

Le 28:1

Lăm lu bơngai Isơrael ih athei rơih iŏk Arôn, 'nhŏng ih hăm lu kon drŏ-nglo sư, Nađap, Abihu, Êlêasar; păng Ithamar; pơjao ăn tơdrong jang pơm 'bok soi bơ̆jang kơ Inh.

Le 28:41

Đơ̆ng noh, athei iŏk hơbĕn ao 'noh pơhrŭk ăn kơ Arôn, 'nhŏng ih hăm lu kon drŏ-nglo sư; ih athei ăn đak 'bâu phu, kơ lu sư pơm rơgoh, wă kơ pôk lu sư jing 'bok soi gơh jang ăn kơ Inh.

Le 29:1

'Nâu boih tơdrong ih gô pơm, wă kơ sư pơm 'bok soi jang kơ Inh. Ih athei rôp minh pôm rơmo dăm păng 'bar tŏ triu tơno ưh kơ đei rơka.

Le 29:44

Inh gô pơm ăn kơ Bơsŭn Anih Akŭm hăm chơnang soi jing rơgoh; hăm ih kư̆m gô pơm kơ Arôn hăm lu kon drŏ-nglo sư jing rơgoh mơ̆n, wă kơ lu sư bơ̆jang pơm 'bok soi kơ Inh.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Le 30:30

Ih athei tuh hling đak pơgang 'bâu phu ăn kơ Arôn hăm lu kon drŏ-nglo sư, 'măn lu sư pha wă kơ rơgoh 'lơ̆ng, wă kơ pơm 'bok soi bơ̆jang kơ Inh.

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Luka 1:5

Kơplah pơtao Hêrôt pơgơ̆r dêh char Juđê sơ̆ đei minh 'nu 'bok soi anăn sư Sachari. Sư khŭl 'bok soi mă đe anăn khŭl Abia. Anăn akăn sư Êlisabet. Akăn sư ei kon sâu Arôn mă pơm 'bok soi tơm hmơm sơ̆.

Luka 1:7

Mă-lei bre sư ưh kơ đei hơ'lơ̆p yua kơ Êlisabet bơngai hơwŏng. Bre sư kư̆m kră ngăl boih.