Luka 1:78 - Sơ̆p Hlabơar Nơ̆r 'Bok Kei-Dei

^78-79 Yua kơ Kră Yang mơnat kơ bơ̆n tơpă, na Sư ăn 'Bok Dŏng Pơklaih ei jur tơ bơ̆n. Sư thoi măt 'năr pơchrang tơ'bôh tơdrong hơdah kơ bơ̆n mă bơngai oei lăm măng mu, wă lôch hiong ră, mă-lei Sư gô tơ'bôh ăn kơ bơ̆n tôm tơdrong hiôk-hian.”

Luka 1:78 Iomraidhean Croise

Horiso 25:6

Ơ Kră Yang, apinh Ih 'blŏk kơ jơhngơ̆m mơnat păng tơdrong 'mêm Ih; Yua kơ 'bar tơdrong noh đei boih đơ̆ng sơ̆.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Sa 3:8

Ơ Jôsua, 'bok soi tơm, ih hăm buăl ih mă oei 'bơ̆t anăp ih mơ̆ng bĕ, yua kơ lu bơngai âu wă pơm tơdra; 'nâu sĭt tơpă Inh gô pơm kơ lu đĭch đam Inh bluh tơmơ̆ng iung chăt.

Sa 6:12

Khan bĕ kơ sư, Kră Yang Tih hloh khan: ‘'Nâu, đei minh 'nu anăn dơ̆ng, sư gô chăt đơ̆ng ih păng bơngai noh gô pơjing hnam kơkuh kơ Kră Yang.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Philip 1:8

'Bok Kei-Dei băt mơ̆n inh 'mêm kơ iĕm, kư̆m thoi Yêsu Krist 'mêm kơ iĕm.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Kôlôsê 3:12

Lu bơ̆n âu boih 'Bok Kei-Dei 'mêm mơnat, na rơih iŏk bơ̆n, wă kơ bơ̆n jing kon Sư; na bơ̆n athei băt 'mêm mơnat kơ đe lei-lăi, pơm 'lơ̆ng kơ đe thoi lu bơngai gơh găt.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

I Yo 3:17

Bơngai bu mơdrŏng 'bôh 'nhŏng oh sư dơnuh hin sơmă ưh kơ mơnat ăn tơmam kiơ kơ 'nhŏng oh sư, dah ưh kơ tơdŏng dih băl tơdrong jang, noh thoi yơ khan sư 'mêm kơ 'Bok Kei-Dei lĕ?

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”