Luka 1:73 - Sơ̆p Hlabơar Nơ̆r 'Bok Kei-Dei

⁷³ Na Sư pơkă kơ 'bok Abraham bơ̆n tơdrong noh,

Luka 1:73 Iomraidhean Croise

Bl 24:7

Kră Yang, Kră Yang 'Bok Kei-Dei plĕnh teh, jơ̆ Kră Yang mă chông ba inh, lê̆ mĕ 'bă, lê̆ 'nhŏng oh, lê̆ dêh char inh, đei pơma pơkăm pơkă hăm inh thoi âu: Inh gô ăn kơ adrĕch adrung ih dêh char âu. Sư gô wơh linh jang sư năm adrol kơ ih păng tơ anih ih gô chă ăn kơ kon inh akăn.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Horiso 105:9

Tơdrong Sư pơgơ̆p hăm Abraham. Nơ̆r Sư pơkăm hăm Isăk,

Je 11:5

Na Inh wă pơsĭt nơ̆r Inh pơkă pơkăm hăm lu 'bok yă iĕm, wă ăn kơ lu sư dêh char 'lơ̆ng đei ro thoi đak sut đak toh,’ char mă iĕm oei dang ei.” Inh tơl: “Ơ Kră Yang ăn đei bĕ thoi noh, A-men.”

Luka 1:74

wă kơ pơklaih bơ̆n đơ̆ng dôm lu bơngai mă ayăt kơ bơ̆n. Na Sư wă kơ bơ̆n jang tơdrong Sư huay kơ hli,

Both 7:12

Tơdah iĕm mơ̆ng păng pơm kiơ̆ dôm lu tơdrong juăt âu, Kră Yang 'Bok Kei-Dei iĕm gô wei nơ̆r pơgơ̆p păng tơdrong 'mêm mơnat mă Sư đei pơkă hăm lu 'bok iĕm sơ̆.

Both 7:8

Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.

Hêbrơ 6:13

Kiơ̆ kơ tơdrong juăt kon bơngai, mưh wă pơkă băl tơdrong kiơ wă kơ kơjăp, sư pao anăn tơ'ngla Kră Yang sư kơdih wă kơ đĭ-đăng bơngai lui kơ nơ̆r sư. Kơplah 'Bok Kei-Dei pơkă kơ Abraham sơ̆, Sư wă kơ đe băt kơ Sư gô tơgŭm tơpă, na Sư ưh kơ đei pao anăn bu nai ôh yua kơ ưh kơ đei bu tih hloh kơ Sư, Sư pao anăn Sư kơdih đĕch. Sư khan kơ Abraham thoi âu: “Inh wă tơgŭm ih tơpă, Inh gô ăn kơ ih đei lu kon sâu lơ.” Abraham lui tơpă, sư chang gô truh tơ 'Bok Kei-Dei ăn kơ sư tơpă.