Luka 1:66 - Sơ̆p Hlabơar Nơ̆r 'Bok Kei-Dei

⁶⁶ Đĭ-đăng bơngai kơtơ̆ng tơdrong noh pơwao lăm đon sư kơdih khan: “Nge âu ning-mônh sư wă pơm kiơ kơnh?” Lu sư tơchĕng thoi noh yua kơ lu sư 'bôh 'Bok Kei-Dei tơgŭm sư tơpă.

Luka 1:66 Iomraidhean Croise

Bl 37:11

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

Bl 39:2

Jôsep oei tơ lăm hnam dơnŏ tơ'ngla sư bơngai Êyiptơ đei Kră Yang tơgŭm, na jing tơdrong jang sư 'lơ̆ng đei yua.

I Pot 18:46

Ti Kră Yang chro pel akâu Êli. Sư iŏk tơlei tơ̆n, tơ̆n tơ kơiĕng păng sư kơdâu adrol kơ Ahap, truh tơ 'măng wă mơ̆t Pơlei Jêsreel.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 80:17

Hơpơi kơ Ih tơgŭm bơngai hơ-oei cheng 'ma Ih. Bơngai drŏ-nglo mă Ih đei bơwei rong kơdih boih.

Horiso 89:21

Ti Inh gô dŏng tơiung sư. Kơkŏng ti Inh gô pơm ăn kơ sư pran kơtang.

Luka 1:80

Kon sư ei rai đunh rai wơ̆ păng nuih pran kơtang. Sư oei tơ char glă chơngue truh kơ 'Bok Kei-Dei gơh yua sư chă bơtho kơ lu bơngai Isơrael.

Luka 2:19

Mari 'blŏk hơdơ̆r tơdrong noh, klaih kơ noh tơchĕng lăm đon sư kơdih.

Luka 2:40

Na Yêsu rai đunh rai wơ̆ kư̆m đei jơhngơ̆m pran. Sư kư̆m 'bơ̆r đon hlôh wao tôm tơdrong. 'Bok Kei-Dei lăp đon kơ Sư tơpă tơgŭm Sư ling-lang.

Luka 2:51

Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

Luka 9:44

“Inh wă kơ iĕm tơguăt lăm đon tơdrong âu: Đe gô rôp pơjao Inh Kon Bơngai tơ ti kon bơngai tơ ala teh âu.”

Jang 11:21

Kră Yang Yêsu Krist tơgŭm lu sư bơtho đe na đei lơ bơngai lui kiơ̆ kơ Kră Yang Yêsu.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.