Luka 1:58 - Sơ̆p Hlabơar Nơ̆r 'Bok Kei-Dei

⁵⁸ Lu bôl buăl hăm kon pơlei pơla kơtum kơtŏng 'nhŏng oh sư kơtơ̆ng ang tơdrong 'Bok Kei-Dei mơnat kơ sư tơpă ăn kơ sư kon, na lu sư kư̆m wang hiôk chơt mơ̆n.

Luka 1:58 Iomraidhean Croise

Bl 19:19

Âu, inh boih mă đĭch đam Ih 'mêm mơnat, Ih đei tơ'bôh boih tơdrong 'mêm mơnat kơ inh tih tơpă! Păng pơklaih tơdrong arih inh. Mă-lei inh wă kơdâu tŏk tơ kông ưh kơ kĕ adrol kơ tơdrong truh kơ pơlei âu, na inh wă lôch boih.

Bl 21:6

Sara khan thoi âu: “Kră Yang 'Bok Kei-Dei đei pơm kơ inh minh tơdrong hiôk, đĭ-đăng bu bu kơtơ̆ng kư̆m hiôk chhôk hơdai hăm inh.”

Horiso 113:9

Sư ăn kơ drŏ-kăn hơwŏng lăm hnam sư, jing mĕ chơt hiôk hăm lu kon sư. Halêluya!

Tơdrông Pơđơk 23:25

Ăn kơ mĕ 'bă ih chơt hiôk, Ăn kơ bu hơiơch kơ ih 'nă hal.

Luka 1:14

Ih gô hiôk tơpă păng kư̆m đei lơ bơngai nai hiôk yua kơ đei sư.

Luka 1:25

Akăn sư khan thoi âu: “Dang ei Kră Yang 'Bok Kei-Dei tơgŭm inh boih, đe huay pă pơma kơnê̆ kơ inh dơ̆ng boih.”

Luka 1:57

Truh kơ khei 'năr Êlisabet boih na sư tơpŭ kơ minh 'nu kon drŏ-nglo.

Luka 14:12

Đơ̆ng noh Yêsu khan kơ bơngai wơ̆n sư ei: “Dah ih chă wơ̆n đe năm sŏng sa tơ hnam ih, ih 'nĕ kơ wơ̆n lu 'nhŏng oh, lu bôl juăt ih, lu bôl ih bơngai mơdrŏng hŏ, yua kơ lu sư gô wơ̆n plơ̆ ih dơ̆ng, na ih dang lĕ ưh kơ đei huach tơmam kiơ ôh.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.