Luka 1:53 - Sơ̆p Hlabơar Nơ̆r 'Bok Kei-Dei

⁵³ Sư 'me lu bơngai pơngot rơwĕt tơmam sa 'lơ̆ng, mă-lei lu bơngai mơdrŏng noh Sư tơbrŏk ti hoh đĕch.

Luka 1:53 Iomraidhean Croise

Horiso 146:7

Sek tơlang tơpăt, kơ lu bơngai mă đe pơjăm pơjuă; Păng ăn tơmam sa kơ lu bơngai pơngot. Kră Yang pơklaih rơngei bơngai đe phak;

Horiso 34:10

Kon dăm-brang mơlôh khăi kơ tơmam sa păng pơngot. Mă-lei bơngai bu mă krao chă Kră Yang ưh kơ đei khăi kơ tơmam 'lơ̆ng ôh.

Êsêkiên 34:29

Inh gô pơjing mir đei plei 'lơ̆ng đe ư-ang nă ăn kơ lu sư, lăm tơring lu sư pă đei pơngot dơ̆ng păng lu dêh char nai pă đei pơjăm pơjuă pơm kơ lu sư mơlâu dơ̆ng.

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Luka 1:54

Sư tơgŭm lu bơ̆n bơngai Isơrael mă đĭch Sư, yua kơ Sư pơkă đơ̆ng sơ̆ khan wă mơnat kơ lu bơ̆n.

Luka 6:21

“Pŭn dêh lu iĕm mă pơngot rơwĕt dang ei, iĕm gô phĭ jơnap. Pŭn dêh lu iĕm mă nhơ̆m hmoi dang ei, iĕm gô hiĕk, gô chơt.

Luka 6:24

“Mă-lei lu iĕm mă mơdrŏng dang ei, ning-mônh iĕm pơmat-tat dêh. Lu iĕm hiôk dang ei đĕch, ning-mônh iĕm ưh pă hiôk boih.

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

I Kor 1:26

Ơ 'nhŏng oh, iĕm chă lăng lu bơngai mă 'Bok Kei-Dei rơih iŏk đơ̆ng lu khŭl iĕm sơ̆, sư thoi yơ? Lăm lu iĕm kư̆m hui kơ đei hŏk hơgei, hui bơngai pơm tih, hui bơngai đơ̆ng adrĕch yŏng mơng.

I Kor 4:8

Iĕm hlôh tôm tơdrong boih hă, na iĕm ưh pă kăl kơ tơdrong nai? Iĕm hơgei dang 'bok pơtao boih hă? Gah nhôn ưh tam hlôh tôm ôh. Dah iĕm hơgei dang 'bok pơtao tơpă, inh kư̆m lăp đon mơ̆n wă kơ nhôn kư̆m hơgei dang 'bok pơtao thoi iĕm.

I Sam 2:5

Lu bơngai phĭ jơnap athei jang kơ đe wă kơ đei tơmam sa. Mă-lei lu bơngai pơngot pă đei pơngot dơ̆ng. Drŏ-kăn hơwŏng tơpŭ đei tơpơh 'nu kon, Mă-lei drŏ-kăn đei kon lơ bơih oei sơ'ngon.