Luka 1:45 - Sơ̆p Hlabơar Nơ̆r 'Bok Kei-Dei

⁴⁵ Ih hiôk tơpă yua kơ ih lui kơ nơ̆r Kră Yang khan kơ ih gô đei kon.”

Luka 1:45 Iomraidhean Croise

I Pot 17:16

Tơpŭng ưh kơ đĭ đơ̆ng lăm ge, đak rơmă ôliwơ kư̆m ưh kơ đĭ đơ̆ng lăm get, trŏ thoi nơ̆r Kră Yang đei yua Êli bơtho akhan.

II Pot 4:5

Duch ei chu hloi, sư đe kon sư mơ̆t lăm hnam tang chơkăl lê̆ 'măng; lu kon drŏ-nglo sư ba ăn kơ sư bô̆i. Na duch ei tuh đak rơmă rim kơ bô̆i ei.

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Luka 1:20

mă-lei ih khan ưh kơ lui kơ inh. Ning-mônh ih gô 'bôh tơpă. Yua kơ ih ưh kơ lui na ih jing ưh kơ gơh pơma đơ̆ng dang ei truh kơ năr ih 'bôh tơdrong inh roi ăn kơ ih hei.”

Luka 1:44

Lăp inh kơtơ̆ng ih kơkuh kơ inh hei, nge lăm klak inh hiôk dêh na sư mah adrŏ.

Luka 1:48

Yua kơ Sư mơnat kơ inh bơngai đam Sư, na đơ̆ng âu tơ anăp ning-mônh đĭ-đăng kơ lu kon bơngai gô khan kơ inh đei pŭn hiôk tơpă.

Yo 11:40

Yêsu khan kơ sư: “Inh khan kơ ih boih, dah ih lui ih gô 'bôh tơdrong mơsêh mơyang đơ̆ng 'Bok Kei-Dei.”

Yo 20:29

Mă-lei Yêsu khan kơ sư: “Ih 'bôh Inh boih, thoi noh ih lui. Lu bơngai bu mă ưh kơ 'bôh Inh, mă-lei sư lui, 'noh hiôk tơpă kơ lu sư.”