Luka 1:28 - Sơ̆p Hlabơar Nơ̆r 'Bok Kei-Dei

²⁸ Linh jang 'lơ̆ng ei truh tơ Mari khan hloi thoi âu: “Kơkuh kơ ih, duch. 'Bok Kei-Dei wă yua ih păng Sư lăp đon kơ ih boih.”

Luka 1:28 Iomraidhean Croise

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Mathiơ 12:48

Yêsu khan: “Bu mĕ Inh hăm oh Inh ei?”

Luka 1:27

Linh jang 'lơ̆ng ei năm tơ minh 'nu adruh sơkơ̆t boih păng minh 'nu tơdăm, anăn sư Yôsep. Yôsep sư adrĕch adrung pơtao Đawit sơ̆. Na anăn adruh ei Mari.

Luka 1:29

Mari kơtơ̆ng thoi noh sư mah chrêu kơ đon yua kơ sư ưh kơ băt wă đei tơdrong kiơ, mah kơkuh kơ sư thoi noh.

Luka 1:30

Linh jang 'lơ̆ng ei khan kơ sư dơ̆ng: “Ơ Mari, ih 'nĕ kơ hli yua kơ 'Bok Kei-Dei lăp đon kơ ih tơpă.

Luka 1:42

păng pơma 'bơ̆r re kơ Mari khan: “'Bok Kei-Dei wă ăn kơ ih hiôk hloh kơ đĭ-đăng kơ lu drŏ-kăn đe nai. Sư ăn kơ kon mă ih wă tơpŭ ning-mônh kư̆m hiôk thoi noh mơ̆n.

Jang 18:10

Yua kơ Inh oei hơdai păng ih ling-lang ưh kơ đei bu gơh pơrăm ih ôh, yua kơ đei lơ bơngai lăm pơlei âu gô lui kơ Inh.”

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Lu 5:24

Pŭn hiôk dêh kơ Jăl, akăn Hêber, bơngai Kênit. Noh mă bơngai drŏ-kăn đei tơdrong pŭn hiôk hloh lăm lu bơngai drŏ-kăn mă oei lăm bơsŭn!

Lu 6:12

Linh jang 'lơ̆ng Kră Yang tơ'bôh kơ sư na khan: Ơ bơngai nuih kơtang, Kră Yang oei hơdai ih!

Ru 2:4

'Bôô lĕch đơ̆ng pơlei Betlehem năm truh tơ mir sư khan kơ lu bơngai yuă 'ba thoi âu: Hơpơi kơ Kră Yang oei hơdai iĕm! Lu sư tơl khan. Hơpơi kơ Kră Yang ăn tơdrong pŭn hiôk kơ ih!