Luka 1:22 - Sơ̆p Hlabơar Nơ̆r 'Bok Kei-Dei

²² Lăp Sachari lĕch sư ưh kơ gơh pơma kơ đe na lu sư băt kơ Sachari 'bôh tơdrong hlĭch lăm noh. Na sư pơma kơmlo ăn kơ đe đĕch.

Luka 1:22 Iomraidhean Croise

Êsêkiên 3:26

Inh gô pơm kơ hơpiĕt ih klep tơ păk-'ngơk, ih gô kơmlo, ưh kơ gơh chrih kơ lu sư; lu sư jing bơngai ayăt.

Luka 1:21

Kơplah linh jang 'lơ̆ng ei oei pơma dơnuh kơ sư, na lu kon pơlei pơla chang gô sư lĕch ră. Kơna kon pơlei sơleng kơ đon yua kơ tơdrong kiơ Sachari ngôi lăm hnam 'Bok Kei-Dei đunh dêh.

Luka 1:23

Lăp trŏ kơ năr sư pơdơh kơ jang lăm hnam 'Bok Kei-Dei boih na Sachari wih tơ hnam.

Luka 1:62

Na lu sư pơma pơtao păng ti jet 'bă sư wă anăn kon sư bu.

Yo 13:24

Na Pêtrôs jet bơngai ei khan: “Yêsu khan ei bu wă plơ̆ plĕch kơ Sư?”

Jang 12:17

Na Pêtrôs yơ̆r ti khă lu sư pơma, na oei thĕng huay pă pơma boih. Na Pêtrôs roi kơ lu bơngai oei lăm hnam ei kơ tơdrong 'Bok Kei-Dei tơlĕch sư. Pêtrôs athei lu bơngai oei lăm hnam ei năm khan kơ 'bok Yakơ păng lu bơngai lui wă roi tơdrong sư lĕch. Đang kơ sư roi tơdrong ei Pêtrôs jăk oei tơ nai dơ̆ng.

Jang 19:33

Lu bơngai Juđê tơ pơlei ei mơ̆n, sư athei minh 'nu bơngai bôl sư, Aleksandrê, năm dơ̆ng 'bơ̆t anăp kon pơlei pơla wă pơma dŏng lu sư. Na lu bơngai Êphêsô mơ'nah ngêh kơ Aleksandrê boih bơngai đe wă sek tơlang. Na Aleksandrê yơ̆r ti sư wă kơ đe thĕng huay pă pơma. Sư wă pơma dŏng lu bơngai Juđê ră.

Jang 21:40

'Bok tih linh ăn kơ sư pơma, na Pôl dơ̆ng 'bơ̆t kung yơ̆r ti sư wă kơ lu kon pơlei pơla oei thĕng. Lăp lu sư thĕng ưh pă đei pơma boih, na Pôl pơma kơ lu sư hăm nơ̆r Juđê: