Luka 1:19 - Sơ̆p Hlabơar Nơ̆r 'Bok Kei-Dei

¹⁹ Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 1:19 Iomraidhean Croise

Da 8:16

Inh kơtơ̆ng nơ̆r đơ̆ng bơngai drŏ-nglo noh dơ̆ng tŏk-bŏk glung Ulai, krao păng khan: Gabrel, roi tơbăt kơ bơngai âu mă đêl tơ'bôh kơ sư noh.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Luka 1:20

mă-lei ih khan ưh kơ lui kơ inh. Ning-mônh ih gô 'bôh tơpă. Yua kơ ih ưh kơ lui na ih jing ưh kơ gơh pơma đơ̆ng dang ei truh kơ năr ih 'bôh tơdrong inh roi ăn kơ ih hei.”

Luka 1:26

Lăp Êlisabet akâu kơhioh tơdrâu khei boih na 'Bok Kei-Dei wơh linh jang 'lơ̆ng Sư, anăn sư Gabrel, jur tơ Pơlei Nasaret lăm dêh Galilê.

Luka 2:10

Linh jang 'lơ̆ng khan kơ lu sư: “Iĕm 'nĕ kơ hli, yua kơ inh wă roi kơ iĕm tơdrong 'lơ̆ng, tơdrong mă đĭ-đăng kon bơngai 'nă hal.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.