Luka 1:18 - Sơ̆p Hlabơar Nơ̆r 'Bok Kei-Dei

¹⁸ Na Sachari jet linh jang 'lơ̆ng ei: “Lơliơ inh gơh băt tơdrong noh gơh sĭt yua kơ inh kră tơpă boih păng ŭnh om inh kư̆m kră mơ̆n?”

Luka 1:18 Iomraidhean Croise

Bl 15:8

Abram tơl thoi âu: “Kơkuh kơ Ih Kră Yang, liơ inh băt inh gô đei char âu?”

Bl 17:17

Abraham drap bon tơ teh, hiĕk păng khan lăm to thoi âu: “Ô 'bônh ah bơngai kah minh-hrĕng sơnăm boih, na gơh pơjing kon dơ̆ng? Gah Sara, sư tơsĭn-jĭt, gô đei hơ'lơ̆p hă?”

Bl 18:12

Sara hiĕk lăm to păng khan: “Kră akar thoi inh âu, 'bônh ah đei tơdrong chơt hiôk noh? Gah yŏng inh kư̆m kră pă kĕ boih!”

II Pot 7:2

Yŏng linh mă jê̆ pơtao, sư tơl nơ̆r Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti, tơdrong noh gơh đei hă?” Êlisê tơl: “Măt ih gô 'bôh tơdrong noh, mă-lei ih ưh kơ đei sa ôh.”

Êsai 38:22

Hesekia tơl khan: “Đei tơdra kiơ ăn kơ inh băt inh gô tŏk tơ hnam Kră Yang?”

Luka 1:34

Na Mari khan kơ linh jang 'lơ̆ng ei: “Lơliơ tơdrong noh gơh đei yua kơ inh oei adruh ưh tam đei klo?”

Luka 1:7

Mă-lei bre sư ưh kơ đei hơ'lơ̆p yua kơ Êlisabet bơngai hơwŏng. Bre sư kư̆m kră ngăl boih.