Luka 1:15 - Sơ̆p Hlabơar Nơ̆r 'Bok Kei-Dei

¹⁵ Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Luka 1:15 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 48:19

Mă-lei 'bă sư ưh kơ chu, pơjah khan: 'Bă băt dăm, 'bă băt. Sư kư̆m jing minh adrĕch adrung sư kư̆m jing tih mơ̆n, kon, mă-lei oh sư jing minh adrĕch tih hloh oei tơ jơ̆p-jang dêh char lăm teh đak.

I Ho 17:8

Inh đei oei hơdai hăm ih boih tơ rim anih ih năm păng Inh pơlôch đĭ-đăng lu ayăt 'bơ̆t anăp ih; păng Inh gô ăn anăn ih ư-ang nhen thoi anăn lu bơngai pơm tih hloh lăm teh đak,

I Ho 29:12

Tơdrong mơdrŏng mơng, păng tơdrong pơyom lĕch đơ̆ng Ih ngăl, Ih boih wei-lăng đĭ-đăng; tơdrong mơsêh mơyang pran kơtang lăm ti Ih; Ih pơm ăn đei tơdrong pơyom păng ăn jơhngơ̆m pran kơ rim 'nu bơngai.

Horiso 22:9

Trŏ boih, Ih tơlĕch inh đơ̆ng klak mĕ inh. Ăn kơ inh gơnang kơ Ih kơplah inh gơning 'bơ̆t kơtơh mĕ inh.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Je 35:6

Mă-lei lu sư tơl: “Lu nhôn ưh kơ lah huch sik ôh; yua kơ 'bok lu nhôn Jônađap, kon drŏ-nglo Rêkap đei bơtho khan kơ lu nhôn: Lu iĕm păng đĭ kơ lu sâu se iĕm ning-mônh 'nĕ kơ et sik.

Lêwi 10:9

Layơ mă ih păng lu kon drŏ-nglo ih mơ̆t lăm Bơsŭn Anih Akŭm 'nĕ kơ et sik hơmu păng huch tơmam kiơ mă pơm kơ iĕm suai kơnh hli kơ iĕm lôch. Tơdrong noh jing tơdrong juăt tơtă ling-lang lăm đĭ jơhnơr lu iĕm.

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Luka 1:14

Ih gô hiôk tơpă păng kư̆m đei lơ bơngai nai hiôk yua kơ đei sư.

Luka 7:28

Inh khan kơ iĕm tơpă, Yôhan sư tih hloh kơ đĭ-đăng kon bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.”

Luka 7:33

Na tơdrong iĕm kuă kơ nhi Yôhan kư̆m thoi noh mơ̆n. Sơ̆ Yôhan ơ̆t kơ por, ưh kơ et sik, na iĕm kư̆m jô̆ kơ sư khan wơnh.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Galati 1:15

Mă-lei 'Bok Kei-Dei 'mêm mơnat kơ inh. Sư rơih iŏk inh đơ̆ng inh tam mă tơpŭ sơ̆. Sư krao inh wă kơ inh jang tơdrong Sư.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Jôsuê 3:7

Kră Yang khan kơ Jôsuê: Dang ei Inh gô pôk pơyom ih 'bơ̆t anăp lu bơngai Isơrael, wă kơ lu sư băt Inh Kră Yang oei hơdai ih, thoi Inh đei oei hơdai hăm Môis sơ̆.

Jôsuê 4:14

Năr noh Kră Yang ăn kơ Jôsuê jing đe pơyom 'bơ̆t anăp đĭ-đăng bơngai Isơrael păng đe hli yom đĭ chăl sư oei arih, thoi đe chu yom kơ Môis mơ̆n.