Lu 9:57 - Sơ̆p Hlabơar Nơ̆r 'Bok Kei-Dei

⁵⁷ Kră Yang 'Bok Kei-Dei kư̆m pơm tơwih kơ lu kon pơlei Sichem mơ̆n yua kơ dôm tơdrong kơnê̆ mă đêl lu sư pơm. Tơdrong Jôtham kon drŏ-nglo Jêrup Baal hiap đei truh tơ lu sư.

Lu 9:57 Iomraidhean Croise

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

I Pot 16:34

Lăm chăl Ahap pơgơ̆r, Hiel đơ̆ng pơlei Bethel tơiung pơdơ̆ng Pơlei Jêrikô. Lăp sư wă man jrăng hơnă hnam Abiram kon drŏ-nglo kơdră sư lôch, kơplah sư pơm 'măng jang, Sêgup kon adruch sư lôch. Trŏ thoi nơ̆r Kră Yang, yua 'bơ̆r Jôsuê, kon drŏ-nglo Nun đei khan lê̆ adrol.

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

Horiso 7:17

Inh gô bơnê kơ Kră Yang yua kơ tơdrong 'lơ̆ng tơpăt Sư Inh gô hơri bơnê kơ Anăn Kră Yang, jơ̆ Kră Yang tih hloh.

Horiso 94:23

Kră Yang gô pơm tơwih yua kơ tơdrong yoch lu sư. Kră Yang gô pơlôch lu sư yua kơ tơdrong lu sư pơm kơnê̆; Kră Yang 'Bok Kei-Dei gô pơlôch pơrăm lu sư.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.

Lu 10:1

Đơ̆ng rŏng kơ Abimêlek lôch, Tôla kon drŏ-nglo Pua sâu Đôđô, sư bơngai Isakar, iung dŏng pơklaih lu bơngai Isơrael. Sư oei tơ pơlei Samir lăm kông Êphraim.

Lu 9:20

mă-lei dah ưh, ăn kơ ŭnh đơ̆ng Abimêlek soh sa đĭ lu bơngai lăm pơlei Sichem hăm kon pơlei 'Bet Milơ; păng apinh ŭnh lĕch đơ̆ng lu bơngai pơlei Sichem hăm pơlei Bêt Milô soh Abimêlek.

Lu 9:24

Tơdrong kơnê̆ 'nâu wă pơm plơ̆ đêl tơdrong yoch sư pơlôch tơpơh-jĭt 'nu kon drŏ-nglo Jêrup Baal păng pham tuh kơ Abimêlek hăm bơngai mă đêl pơlôch lu 'nhŏng oh sư păng kư̆m tuh kơ lu bơngai pơlei Sichem lu bơngai mă đei tơgŭm Abimêlek mă pơlôch 'nhŏng oh sư kơdih.

Lu 9:45

Abimêlek blah kon pơlei noh prăt năr, blah iŏk jei păng pơlôch đĭ lu bơngai oei lăm pơlei noh, na teh pơchah pơrăm đĭ pơlei păng săi 'boh jơ̆p-jang lăm pơlei noh.

Lu 9:56

Thoi noh Kră Yang 'Bok Kei-Dei pơm tơwih kơ Abimêlek yua kơ sư pơm kơnê̆ hăm 'bă sư, yua kơ sư pơlôch tơpơh-jĭt 'nu 'nhŏng oh sư kơdih.