Lu 9:45 - Sơ̆p Hlabơar Nơ̆r 'Bok Kei-Dei

⁴⁵ Abimêlek blah kon pơlei noh prăt năr, blah iŏk jei păng pơlôch đĭ lu bơngai oei lăm pơlei noh, na teh pơchah pơrăm đĭ pơlei păng săi 'boh jơ̆p-jang lăm pơlei noh.

Lu 9:45 Iomraidhean Croise

I Pot 12:25

Jêrôbôam pơjing hnam tơ Pơlei Sechem kơjăp tơ kơpal groi Êphraim, sư oei hloi tơ noh, sư lĕch đơ̆ng noh năm pơm Pơlei Pênuel.

II Pot 3:25

Lu bơngai Isơrael blah pơrăm lơ lu pơlei tih, lu sư dônh tơmo hơtat 'bŭ lê̆ chŭn teh 'lơ̆ng, chĭt lê̆ dôm lu tu đak păng kăl pơđĭ dôm lu 'long 'lơ̆ng. Oei pă pôm lu dur pơlei Kir Harêsêt đĕch oei đei tơmo. Na lu linh mă iŏk tơmo noh kư̆m drŭt blah klơ̆m pơrăm lu dur noh mơ̆n.

Horiso 107:34

Teh mơ̆r 'lơ̆ng jing teh 'băt 'boh, Yua kơ đei tơdrong kơnê̆ lăm lu kon pơlei oei tơ noh.

Êsêkiên 47:11

Đak lăm lu Dơnâu hlŭt tơ noh ưh pă hlăng 'ngam, mă-lei 'măn kơ pơm 'boh.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Lu 9:44

Abimêlek păng lu linh kiơ̆ sư năm truh tơ 'măng dur pơlei; na 'bar khŭl nai druh rôp păng pơlôch đĭ linh mă oei tơ bri noh.