Lu 9:4 - Sơ̆p Hlabơar Nơ̆r 'Bok Kei-Dei

⁴ Lu sư ăn kơ Abimêlek tơpơh-jĭt hlak hu iŏk đơ̆ng lăm hnam yang Baal Bêrit; Abimêlek iŏk jên noh chă apah kơ lu bơngai răm-'băm pơm kư̆ kă kiơ̆ sư.

Lu 9:4 Iomraidhean Croise

II Sam 6:20

Đawit kư̆m dai brŏk wă sơkat pŭn hiôk kơ hnam dơnŏ sư kơdih; mă-lei Mikal kon adruh Sôl, năm sơng Đawit, na khan: “Năr 'nâu pơtao đe Isơrael pơm kơdih akâu wă kơ đei ư-ang, mah suang akâu hoh 'bơ̆t anăp lu đam drŏ-kăn sư, pơm thoi bơngai ưh kơ rơ-a kiơ!”

II Ho 13:7

Lu bơngai kơnê̆ kư̆ kă năm kiơ̆ ih; tơblah hăm Rêhôbôam, kon drŏ-nglo Sôlômôn; Rêhôbôam; sư oei mơlôh, ưh kơ kĕ tơblah hăm ih.

Jop 30:8

Lu adrĕch ưh kơ gơh yua anăn sơnăm ưh kơ đei. Đe areh teh pơpuh tơlĕch lê̆ đơ̆ng lăm char.

Tơdrông Pơđơk 12:11

Bơngai bu choh jang mir na gô đei tơmam sa rơkah rơkai. Bơngai bu kiơ̆ chă tơdrong kơđei oei kơ'bah tơdrong hlôh wao.

Jêphania 3:4

Lu 'bok khan lê̆ adrol tă kơ hơlĕnh pơdăr ngăl; 'bok soi lu sư pơm mơgrĭ kơ anih rơgoh; păng pơm pơhloh kơ tơdrong khôi juăt.

Jang 17:5

Lu bơngai Juđê mơ'nah ưh kơ lui, lu sư 'nhĕng bre Pôl păng Silas. Na lu sư năm krao pơhlŭ lu bơngai pơm kơnê̆ kơ đe. Lu bơngai pơm kơnê̆ ei lăm pơlei sư mơ̆n na lu bơngai pơm kơnê̆ kơ đe ei pơtrŭt lu kon pơlei pơla năm bơwang hnam Jason wă chă bre Pôl păng Silas, wă dui anhăk ba tơ'bơ̆p 'bơ̆t anăp kon pơlei pơla.

Lu 11:3

Đơ̆ng noh Jeptha kơdâu jăk ataih đơ̆ng lu 'nhŏng oh sư, sư oei lăm tơring Tôp; tơ noh đei lu bơngai pơm kơchu, lu sư pơm jơhngơ̆m đon păng Jeptha;

Lu 8:33

Lăp đơ̆ng rŏng kơ Giđêôn lôch, lu bơngai Isơrael wơ̆t pơm kơnê̆ dơ̆ng kơkuh kơ yang Baal; lu sư kơkuh kơ yang Baal Bêrit pơm yang lu sư.

Lu 9:27

Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.

I Sam 22:2

Kŭm đei lu bơngai pơmat-tat, lu bơngai hre đom păng lu bơngai đei jơhngơ̆m ơh sơ'ngon kư̆m wang jur akŭm hơdai hăm sư, na sư pơm kơ̆l lu đe ei; thoi noh lu sư đei dang puăn-hrĕng 'nu bơngai.