Lu 8:33 - Sơ̆p Hlabơar Nơ̆r 'Bok Kei-Dei

³³ Lăp đơ̆ng rŏng kơ Giđêôn lôch, lu bơngai Isơrael wơ̆t pơm kơnê̆ dơ̆ng kơkuh kơ yang Baal; lu sư kơkuh kơ yang Baal Bêrit pơm yang lu sư.

Lu 8:33 Iomraidhean Croise

II Pot 12:2

Jôas pơm 'lơ̆ng 'bơ̆t anăp Kră Yang đĭ chăl arih yua kơ 'bok soi Jêhôiada bơtho sư.

Je 23:27

Lu sư tơchĕng chă đon roi tơdrong lu sư apo kơ lu buăl sư mơ̆ng na wă kơ kon pơlei Inh hiơt kơ anăn Inh thoi lu 'bok yă sư hiơt kơ anăn Inh kiơ̆ yang Baal.

Je 3:9

Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Jôsuê 24:31

Lu kon pơlei Isơrael chu yom kơ Kră Yang đĭ lăm chăl arih Jôsuê păng đĭ lăm chăl lu kră arih sot hloh kơ Jôsuê, lu bơngai mă đei 'bôh păng băt tôm tơdrong Kră Yang đei pơm boih lăm lu kon pơlei Isơrael.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 2:12

Hŭt lê̆ Kră Yang 'Bok Kei-Dei 'bok yă lu sư, Tơ'ngla mă chông lu sư lĕch đơ̆ng dêh Êyiptơ. Lu sư lui kiơ̆ kơ yang nai đơ̆ng lu adrĕch adrung jum dăr kơ lu sư, drap kơkuh kơ lu yang noh păng pơm kơ Kră Yang hil blĕk kơ lu sư.

Lu 2:17

Mă-lei lu sư kư̆m ưh kơ wă mơ̆ng lu 'bok sek tơlang lu sư kiơ̆ kơkuh kơ yang nai. Lu sư ưh kơ rok kiơ̆ trong mă đêl yă 'bok lu sư yak, ưh kơ rok kiơ̆ păng ưh kơ wei răk tơdrong juăt Kră Yang.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.

Lu 8:27

Giđêôn iŏk maih noh pơm ao tai êphot tah 'măn lê̆ lăm pơlei sư tơ Ophra. Đĭ-đăng bơngai Isơrael kơkuh kơ tơmam sư pơm noh; tơmam noh jing hơđong hơ'năk kơ Giđêôn păng hnam dơnŏ sư.

Lu 8:32

Giđêôn, kon drŏ-nglo Jôas sơnăm đê̆ kră krŭng sư lôch đe 'bŭ sư lăm bơsat 'bă sư Jôas, tơ pơlei Ôphra, noh bơngai Abierit.

Lu 9:27

Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.

Lu 9:4

Lu sư ăn kơ Abimêlek tơpơh-jĭt hlak hu iŏk đơ̆ng lăm hnam yang Baal Bêrit; Abimêlek iŏk jên noh chă apah kơ lu bơngai răm-'băm pơm kư̆ kă kiơ̆ sư.

Lu 9:46

Kơplah lu kon pơlei oei lăm hnam thôt pơlei Sichem kơtơ̆ng thoi noh na lu sư mơ̆t tơ lăm kơđông kơjăp hnam yang El Bêrit.