Lu 8:26 - Sơ̆p Hlabơar Nơ̆r 'Bok Kei-Dei

²⁶ Lu gŏp maih mă Giđêôn apinh noh kŏng lăng trăp đei mơjĭt-tơsĭn kĭ minh puăt maih, ưh kơ jơ̆ tơmam gĭt nai thoi rơbưn mă lu pơtao Miđian pơhrơp păng lu hơbĕn ao che 'brê hơhĭm juăt kơ hrŭk păng kư̆m ưh kơ jô̆ ôh maih tơmam 'măn lu sư tơ'băk tơ hơko aseh lăk-đa.

Lu 8:26 Iomraidhean Croise

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Tơdrông Pơđơk 31:22

Sư tanh lơ blah hơbĕn, khăn, ao hrŭk. Sư hrŭk ao 'lơ̆ng brai se, đak 'brê jơk.

Êsai 3:18

Lăm năr noh Kră Yang gô iŏk lê̆ lu tơmam lu sư pơguăng păng kong kiơng kong jơ̆ng, tơsi chơkep sŏk, che kơ̆t kơ̆l,

Je 10:9

Đe chĕp ba hu tơtang hơtăng đơ̆ng pơlei Tarsis, păng maih đơ̆ng char Uphas. Noh tơdrong jang lu thơ̆ hơjơ̆m, hăm ti thơ̆ hling maih, sĭt sôr pơgong lăm ao che jơk hơhĭm, noh đơ̆ng ti lu bơngai thơ̆ hơgei tanh.

Êsêkiên 27:7

Che rơmuăn đei reng đơ̆ng Êyiptơ dăng pĕng kial, thoi hla-kơ, che pơm yơ̆p noh hăm che dreng jơk hơhĭm đơ̆ng bŏl đak dơsĭ Êlisa.

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Yo 19:2

Lu linh gơ̆ jơla, pơm tơlei agăl pơyơ̆l kơ kơ̆l Yêsu, pơhrŭk ăn kơ Sư ao tai 'brê pơm thoi pơtao.

Yo 19:5

Klaih kơ noh na Yêsu lĕch. Sư yơ̆l tơlei agăl jơla păng hrŭk ao tai 'brê. Pilat khan: “Iĕm lăng bĕ bơngai 'nâu.”

Tơdrông Tơ'bôh 17:4

Bơngai drŏ-kăn ei hrŭk ao tai 'brê 'lơ̆ng, 'băk kong kiơng maih, đoh sơle rang gơhlâu, ti sư chĕp pơnhan maih 'bĕnh kơ tơdrong 'mê̆-'mach păng tơdrong sư pơm kư̆ kă.

Tơdrông Tơ'bôh 18:12

tôm tơdrong tơmam thoi lĕ kơ maih, hu, tơmo gĭt, găr anam, che 'bui, brai thêt, che tơpu sơdrông; păng tôm kơ kơđoh 'long 'bâu phu; tôm kơ tơmam đơ̆ng bơla rôih, 'long kơdrăk, mam kong, tôm tơdrong mam, bơ̆n tơmo rang thoi akar pơnhan;

Tơdrông Tơ'bôh 18:16

chă pơma rah khan: “Ô glăi, ô glăi, Pơlei Babilôn pơlei tih-tin, rŏ kơ pơlei yă pơtao hrŭk hơbĕn ao 'brê găm jơk dreng 'lơ̆ng 'lơ̆ng, chă pơhrôp akâu kơdih 'bot bơ̆n maih, bơ̆n hu, bơ̆n anam.

Lu 8:21

Sêba păng Salmuna khan: Iung bĕ; ih kơdih pơlôch nhi yua kơ bơngai liơ đei jơhngơ̆m pran thoi noh. Giđêôn sư iung hloi, pơlôch Sêba păng Salmuna; na iŏk tơmam bre sư tơ'băk kơ ako aseh lăk-đa.

Lu 8:25

Lu sư tơl: Lu nhôn hiôk gô ăn kơ ih lu tơmam noh. Lu sư lơ̆k ao, na đĭ-đăng lu bơngai drŏ-nglo dan gŏp maih đêl lu sư blah iŏk.

Lu 8:27

Giđêôn iŏk maih noh pơm ao tai êphot tah 'măn lê̆ lăm pơlei sư tơ Ophra. Đĭ-đăng bơngai Isơrael kơkuh kơ tơmam sư pơm noh; tơmam noh jing hơđong hơ'năk kơ Giđêôn păng hnam dơnŏ sư.