Lu 8:23 - Sơ̆p Hlabơar Nơ̆r 'Bok Kei-Dei

²³ Giđêôn tơl lu sư; Inh ưh kơ pơgơ̆r lu iĕm kon drŏ-nglo inh kư̆m ưh kơ pơgơ̆r lu iĕm mơ̆n; Kră Yang gô pơgơ̆r lu iĕm.

Lu 8:23 Iomraidhean Croise

Horiso 10:16

Kră Yang boih Pơtao ling-lang hlŏng hloi; Lu teh đak gô pơrăm đĭ đơ̆ng dêh char sư.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.

Lu 10:18

Lu 'bok pơgơ̆r dêh Gileat tơpinh dih băl: Bơngai bu mă blŭng-a năm blah kon pơlei Ammôn, bơngai 'noh sư gô pơm yŏng tih hloh lăm dêh char Gileat.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

Lu 8:22

Na bơngai Isơrael khan kơ Giđêôn: Apinh ih kon drŏ-nglo ih păng lu sâu ih pơgơ̆r lu nhôn, yua kơ ih dŏng pơklaih lu nhôn đơ̆ng bơngai Miđian.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 12:12

Mă-lei kơplah iĕm 'bôh Nahas, pơtao đe Ammôn, năm blah lu iĕm, lu iĕm năm khan kơ inh: Ưh ôh; lu nhôn athei đei minh 'nu pơtao pơgơ̆r lu nhôn; mă tơpă sư lăm noh Kră Yang 'Bok Kei-Dei bơih pơm pơtao lu iĕm.