Lu 8:11 - Sơ̆p Hlabơar Nơ̆r 'Bok Kei-Dei

¹¹ Giđêôn tŏk 'moi kiơ̆ trong lu kon pơlei chă oei pơm bơsŭn pơdơh tơ gah hơlĕch kơ pơlei Nôba păng Jôbêha păng chă blah lu linh mă ưh kơ kơchăng.

Lu 8:11 Iomraidhean Croise

Jo 32:35

pơlei Atrôt Sôgan, pơlei Jaser, pơlei Jôbêha,

Jo 32:42

Nôba năm blah iŏk pơlei tih Kênat hăm lu pơlei iĕ sư na krao hloi anăn pơlei Nôba kiơ̆ kơ anăn sư kơdih.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Lu 18:27

Đơ̆ng noh bơngai Đan chĕp ba đĭ tơmam kiơ ma Mika đei pơm boih păng chông ba 'bok soi sư, lu bơngai Đan năm tơ pơlei Lais, minh adrĕch kon pơlei âu oei hiôk-hian, iŏk đao gưm pơlôch kon pơlei păng iŏk ŭnh soh hloi pơlei.

Lu 8:10

Sêba păng Salmuna oei tơ pơlei Karkơr hơdai hăm linh lu sư, dang mơjĭt-pơđăm rơbâu 'nu bơngai; noh đĭ-đăng lu bơngai mă oei arih lăm khŭl lu linh bơngai gah hơlĕch; yua kơ minh-hrĕng 'bar-jĭt rơbâu 'nu bơngai chĕp đao gưm đe pơlôch đĭ boih.

Lu 8:12

Sêba păng Salmuna kơdâu ôn ră mă-lei Giđêôn rôp bre sư pơtao Miđian, lu linh sư kư̆m kơdâu đĭ.

I Sam 15:32

Samuel khan: Chông ba Agak, pơtao bơngai Amalek năm tơ inh: Agak năm hơdar hơdêh truh tơ sư, tơchĕng lăm to khan: Tơdrong lôch pơmat-tat hlôi boih.

I Sam 30:16

Bơngai Êyiptơ chông ba lu sư năm truh. Lu sư 'bôh kon pơlei Amalek jơ̆p-jang kơ teh, et sa, chơt hiôk, yua kơ lu sư tơgar iŏk lơ tơmam đơ̆ng lăm dêh Philistin păng lăm dêh Juđa.