Lu 7:9 - Sơ̆p Hlabơar Nơ̆r 'Bok Kei-Dei

⁹ Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.

Lu 7:9 Iomraidhean Croise

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

Jop 4:13

Oei tep tơchĕng kơ tơdrong apo 'bôh kơmăng, kơplah tŏk-bŏk măng đĭ-đăng bơngai oei tep hlơ̆k

Mathiơ 1:20

Kơplah sư oei tơchĕng tơdrong 'noh, na măng noh sư apo 'bôh linh jang 'lơ̆ng 'Bok Kei-Dei jur khan kơ sư thoi âu: “Ơ Yôsep, kon sâu Đawit, ih 'nĕ kơ hli iŏk Mari pơm akăn ih, mă sư oei anăp dang ei noh đơ̆ng Yang Bơhngol 'Lơ̆ng ăn kơ sư.

Mathiơ 2:13

Hlôi đe noh wih boih, Yôsep tep kơmăng apo 'bôh linh jang 'lơ̆ng đơ̆ng 'Bok Kei-Dei khan kơ sư thoi âu: “Jah iung, pŭ nge Yêsu hăm anhăk ba mĕ Sư jăk oei tơ dêh Êyiptơ. Iĕm oei hloi tơ noh tơ̆p inh athei iĕm wih tơ âu na iĕm wih, yua kơ dang ei Hêrôt wă chă nge Yêsu wă pơlôch.”

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Lu 20:28

Đei Phinêhas, kon drŏ-nglo Êlêasar sâu Arôn, bơ̆jang 'bơ̆t anăp hom pơgơ̆p noh. Lu sư krao apinh Kră Yang khan: Lu nhôn hăm wă năm tơblah hăm lu 'nhŏng oh nhôn Bênjamin dơ̆ng ưh; dah mă lu nhôn pơdơh 'mơ̆i? Kră Yang tơl: Năm bĕ, yua kơ lăm năr dơning Inh gô pơjao lu sư lăm tơpang ti iĕm,

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Lu 3:28

Êhut khan kơ lu sư: Kiơ̆ inh bĕ, yua kơ Kră Yang jao boih kon pơlei Môap lăm ti lu iĕm, bơngai mă ayăt kơ lu iĕm. Đĭ lu sư jur kiơ̆ sư, năm blah iŏk anih đơ̆ng đak Krong Jôrđăn, noh trong lu bơngai Môap juăt kơ tŏk găn đak krong trong noh ưh kơ đei ăn bu năm.

Lu 7:10

Mă-lei tơdah ih hli kơ tơblah athei chông ba Phura đĭch đam ih kư̆m jur năm tơ noh.

Lu 7:8

Giđêôn ăn kơ lu bơngai Isơrael noh brŏk tơ anih bơsŭn lu sư kơdih. Mă-lei Giđêôn gơ̆t iŏk pêng-hrĕng 'nu bơngai đĕch; na lu sư iŏk tơmam sa păng tơgiĕp đơ̆ng ti lu kon pơlei mă brŏk. Na kơđông bơngai Miđian oei pơdơh tơ lăm thŭng gah ala.

I Sam 14:8

Jônathan khan dơ̆ng: 'Nâu, ba athei năm tơ lu bơngai 'noh, tơ'bôh akâu ba ăn kơ lu sư.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.