Lu 7:4 - Sơ̆p Hlabơar Nơ̆r 'Bok Kei-Dei

⁴ Kră Yang khan kơ Giđêôn: “Kon pơlei kư̆m oei lơ dêh. Chông ba lu sư jur nhă tơ đak glung; Inh wă pơlong lăng lu sư tơ anih noh. Dah bơngai bu Inh gô khan; ‘Bơngai âu sư gô năm hơdai ih,’ na sư gô kiơ̆ ih; mă-lei bơngai bu Inh khan: ‘Bơngai 'nâu sư ưh kơ gơh năm hăm ih’ na bơngai noh sư ưh kơ gơh năm.”

Lu 7:4 Iomraidhean Croise

Bl 22:1

Đang kơ dôm tơdrong noh keh boih, na Kră Yang 'Bok Kei-Dei pơlong lăng Abraham. Sư khan thoi âu: “Ơ Abraham!” Abraham tơl: “Inh tơ âu.”

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

Horiso 33:16

Pơtao mă gơh klaih ưh kơ sĭ. Yua kơ Linh sư lơ. Bơngai mă pran kơtang kư̆m ưh kơ klaih hlôi đơ̆ng pran kơtang sư noh.

Horiso 66:10

Yua kơ, ơ Kră Yang 'Bok Kei-Dei ih pơlong lăng lu nhôn thoi rơ̆ Hu.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Lu 7:5

Thoi noh, Giđêôn chông ba kon pơlei jur nhă đak. Na Kră Yang khan kơ Giđêôn: Dah bơngai bu jur nhă liah păng hơpiĕt thoi kŏ, na lu bơngai noh ih lê̆ sư minh pah pha, bĕ lu bơngai bu jur nhă mă chhŏng đak hăm tơpang ti ih lê̆ lu sư pha.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.