Lu 7:20 - Sơ̆p Hlabơar Nơ̆r 'Bok Kei-Dei

²⁰ Pêng khŭl linh noh hlôm tơgiĕp păng teh pơchah bơ̆i tah ŭnh; ti gah 'ngiĕo lu sư yơ̆r chĕp ŭnh, ti gah 'ma lu sư chĕp tơgiĕp hlôm; na lu sư jreo khan: Toh đao bĕ. Yua kơ Kră Yang păng yua kơ Giđêôn!

Lu 7:20 Iomraidhean Croise

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Je 47:6

Ơ đao gưm Kră Yang, dang yơ e wă pơdơh? Dui tơmơ̆t bĕ lăm hơnglop; pơdơh, oei hơđơ̆ng bĕ.

II Kor 4:7

Tơdrong jang mă Sư pơjao kơ nhôn jang âu dang lĕ kơ tơmam hu, tơmam maih pơ'mêm tah lăm bô̆i teh mă 'bônh kơ pơchah. 'Bok Kei-Dei ăn kơ nhôn jang pran noh Sư wă kơ đe băt đơ̆ng Sư ăn, đơ̆ng 'Bok mă mơsêh mơyang, ưh kơ sĭ đơ̆ng nhôn kơdih ôh.

I Tes 4:16

Năr ei kơnh 'bok yŏng lu linh jang 'lơ̆ng gô pơma krao pơret đơ̆ng plĕnh ti păng đei linh jang 'lơ̆ng hlôm keng 'Bok Kei-Dei. Na Kră Yang Yêsu Krist jur hloi đơ̆ng plĕnh, na lu bơngai lôch mă lui kơ Yêsu boih sư iung arih 'mơ̆i.

Hêbrơ 11:4

'Bok Abel sơ̆ yua kơ sư đei đon lui, na sư soi kơ 'Bok Kei-Dei trŏ thoi 'Bok Kei-Dei lăp đon. Gah 'nhŏng sư Kain sư soi ưh kơ trŏ ôh, na 'Bok Kei-Dei ưh kơ lăp đon kơ sư. 'Bok Abel sư đei đon lui tơpă, na 'Bok Kei-Dei jô̆ sư bơngai 'lơ̆ng. Thoi noh na 'Bok Kei-Dei lăp đon kơ tơdrong sư soi noh. 'Bok Abel lôch boih, mă-lei đe oei ư-ang sư truh dang ei yua kơ sư đei đon lui.

Jôsuê 6:16

Dăr wơ̆t mă tơpơh, lu 'bok soi hlôm tơgiĕp re pơhioi na Jôsuê khan kơ kon pơlei: Ôr jreo pơret bĕ, yua kơ Kră Yang jao ăn pơlei âu kơ lu iĕm boih.

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

Jôsuê 6:4

Tơpơh 'nu 'bok soi năm adrol kơ Hom Pơgơ̆p chĕp tơpơh tŏ tơgiĕp hơke bơbe bram, truh năr mă tơpơh, lu iĕm athei dăr jum dăr kơ pơlei noh tơpơh wơ̆t, hơdai hăm tơpơh 'nu 'bok soi hlôm tơgiĕp,

II Pet 1:15

Thoi noh na inh adrin chih kơ iĕm, wă kơ iĕm đei hla bơar tơdrong inh bơtho, hli thĕng kơ inh lôch, iĕm oei đei hla bơar tơdrong inh bơtho, na iĕm huay kơ hiơt.

Lu 7:19

Giđêôn păng minh-hrĕng 'nu bơngai kiơ̆ sư năm truh tơ anih linh gak kơđông; kơplah lu sư 'nao tơplih băl gak mă 'bar kơmăng. Lu sư hlôm tơgiĕp păng teh pơchah bơ̆i mă lu sư chĕp tơ ti.

Lu 7:21

Lu sư dơ̆ng jum dăr kơ kơđông linh, bu 'bơ̆t yơ dơ̆ng 'bơ̆t ei. Na đĭ-đăng lu linh lăm kơđông Miđian kơdâu, lu sư ôr păng kơdâu ôn đĭ.

I Sam 11:11

Mă-lei pơgê dơning, Sôl klah asong kon pơlei pơm pêng khŭl, năm blah đe Ammôn păng pơlôch đĭ lu sư dĭng truh tơ 'năr dơ̆ng. Lu kon pơlei Ammôn kơdâu hơlah hơlang kơdih kơdih.