Lu 7:14 - Sơ̆p Hlabơar Nơ̆r 'Bok Kei-Dei

¹⁴ Buăl sư mơ̆ng hloi khan, tơpă noh đao gưm Giđêôn, kon drŏ-nglo Jôas, bơngai Isơrael. Kră Yang 'Bok Kei-Dei pơjao boih bơngai Miđian păng đĭ-đăng lu linh lăm kơđông tơ lăm tơpang ti sư.

Lu 7:14 Iomraidhean Croise

Jop 1:10

“Yua kơ Ih war dur tăp dăr wei-lăng sư, hnam dơnŏ sư păng dôm tơmam sư đei. Ih tuh ăn pŭn kơ tơdrong jang sư păng ăn kơ sư tơmam rai lơ lăm teh.

Jo 22:38

Balaam tơl Balak khan: 'Nâu inh năm truh tơ ih boih, dang ei inh ưh kơ gơh chă pơma minh 'bar nơ̆r Inh gô pơma kiơ̆ mă Kră Yang 'Bok Kei-Dei ăn nơ̆r lăm 'bơ̆r inh.

Jo 23:20

Na 'nâu, inh đei iŏk boih nơ̆r tơtă hơpơi ăn pŭn hiôk Kră Yang ăn boih pŭn hiôk, Inh ưh kơ pơjah ôh.

Jo 23:5

Kră Yang tơtă nơ̆r lăm 'bơ̆r Balaam păng khan. “Wih brŏk bĕ tơ Balak păng khan thoi âu:”

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Lu 3:28

Êhut khan kơ lu sư: Kiơ̆ inh bĕ, yua kơ Kră Yang jao boih kon pơlei Môap lăm ti lu iĕm, bơngai mă ayăt kơ lu iĕm. Đĭ lu sư jur kiơ̆ sư, năm blah iŏk anih đơ̆ng đak Krong Jôrđăn, noh trong lu bơngai Môap juăt kơ tŏk găn đak krong trong noh ưh kơ đei ăn bu năm.

Lu 7:13

Kơplah Giđêôn truh, đei kơtơ̆ng minh 'nu bơngai roi kơ buăl sư khan: Măng 'nâu inh tep đei apo 'bôh minh pôm 'bĕng 'ba tơ'bâu apôm huŏng grŏl lăm kơđông linh Miđian. 'Bĕng noh hơtŭt 'bơm tơ minh pơm bơsŭn na bơsŭn noh păk hloi, păk plơ̆ bơbŭng tơ ala, na bơsŭn noh pơchah đĭ.

Lu 7:15

Lăp Giđêôn kơtơ̆ng roi kơ tơdrong apo păng kơtơ̆ng nơ̆r tơlang kơ tơdrong apo noh, na sư drap kơkuh kơ Kră Yang 'Bok Kei-Dei. Na sư wih brŏk tơ kơđông linh bơngai Isơrael păng khan: Iung bĕ, yua kơ Kră Yang pơjao boih linh bơngai Miđian lăm ti lu iĕm!

I Sam 14:12

Linh lăm kơđông pơma kơ Jônathan hăm bơngai chĕp tơmam tơblah sư 'noh khan: Năm tơ âu bĕ, nhôn tơ'bôh ăn kơ măr iĕm, băt tơdrong Jônathan pơma hăm bơngai chĕp tơmam tơblah sư khan: Kiơ̆ mă jê̆ inh, yua kơ Kră Yang pơjao lu sư tơ lăm ti bơngai Isơrael boih.