Lu 6:9 - Sơ̆p Hlabơar Nơ̆r 'Bok Kei-Dei

⁹ Inh dŏng pơklaih lu iĕm đơ̆ng ti lu bơngai Êyiptơ păng klaih iĕm đơ̆ng lu bơngai pơjuă pơđep lu iĕm; Inh pơpuh lê̆ lu sư weh ataih đơ̆ng lu iĕm; păng ăn boih kơ lu iĕm iŏk dêh char lu sư.

Lu 6:9 Iomraidhean Croise

Horiso 105:43

Sư chông ba kon pơlei Sư lĕch năm hiôk-hian; lu bơngai Kră Yang rơih. Lu sư lĕch năm hăm nơ̆r hơri chơt hiôk.

Horiso 136:24

Dŏng pơklaih lu nhôn đơ̆ng lu ayăt kơ bơ̆n. Tơdrong 'mêm Sư oei oei ling-lang.

Le 33:2

Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Lu 6:10

Inh đei khan kơ lu iĕm: Inh boih Kră Yang 'Bok Kei-Dei lu iĕm; 'nĕ kơ drap kơkuh kơ lu yang kon pơlei Amôrit lăm dêh char mă lu iĕm oei. Mă-lei lu iĕm ưh kơ đei wă mơ̆ng kiơ̆ nơ̆r Inh!

Lu 6:8

na Kră Yang wơh minh 'nu bơngai khan lê̆ adrol năm tơ kon pơlei Isơrael. Sư khan thoi âu. Kră Yang 'Bok Kei-Dei Isơrael khan: Inh dŏng pơklaih chông ba lu iĕm lĕch hlôi đơ̆ng dêh Êyiptơ boih, pơklaih iĕm đơ̆ng pơm đĭch.

I Sam 10:18

na khan kơ bơngai Isơrael: Kră Yang 'Bok Kei-Dei bơngai Isơrael khan thoi âu: Inh đei chông ba bơngai Isơrael lĕch hlôi đơ̆ng Êyiptơ, inh đei dŏng pơklaih lu iĕm đơ̆ng ti đe Êyiptơ păng đơ̆ng ti dôm lu pơtao pơgŏ pơđep lu iĕm.