Lu 6:4 - Sơ̆p Hlabơar Nơ̆r 'Bok Kei-Dei

⁴ Lu sư pơm anih linh wă chă pơrăm lu sư, pơrăm đĭ-đăng tơmam sa plei sa truh tơ tơring Gasa ưh pă đei lê̆ minh tơmam sa kiơ kơ lu bơngai Isơrael, mă triu, rơmo dah aseh iĕ.

Lu 6:4 Iomraidhean Croise

Bl 10:19

Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Tơdrông Pơđơk 28:3

Bơngai dơnuh pơgŏ pơđep bơngai pơmat-tat. Nhen thoi đak 'mi tih pơhoch đĭ 'ba hơ'bo.

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Ob 1:5

Ô! Tơdrong răm tih gô truh kơ ih. Tơdah lu bơngai truh tơtông, tơgar đơ̆ng kơmăng, hăm trŏ lu sư tơtông iŏk lăp kơ mah đĕch? Tơdah lu bơngai phĕ plei hơmu năm truh tơ ih, hăm trŏ lu sư wơ̆l minh 'bar hơie?

Mi 6:15

Lu iĕm gô rei mă-lei ưh kơ đei kĕch yuă; iĕm hmĕt đak ôliwơ mă-lei ưh kơ đei tring mong ôh; lu iĕm gô hmĕt chơpĕt đak hơmu mă-lei ưh kơ đei huch đak hơmu noh.

Both 28:33

Minh adrĕch adrung mă iĕm tam lah băt gô iŏk sa tơmam đơ̆ng mir chŭn păng đơ̆ng tơdrong jang iĕm gleh hrat; đe gô pơjuă pơđep păng pơjuă bơhlơ̆r iĕm ling-lang rim năr.

Both 28:51

Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.

Lu 6:3

Mưh lu bơngai Isơrael chă rei adrĕch, kon pơlei Miđian hăm kon pơlei Amalek păng bơngai đơ̆ng gah hơlĕch năm blah bơngai Isơrael.