Lu 6:34 - Sơ̆p Hlabơar Nơ̆r 'Bok Kei-Dei

³⁴ Yang Bơhngol 'lơ̆ng Kră Yang truh oei hơdai Giđêôn; sư hlôm keng krao lu bơngai Abierit akŭm băl kiơ̆ sư.

Lu 6:34 Iomraidhean Croise

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

I Ho 12:19

Kŭm đei lu bơngai khŭl Manase năm kiơ̆ Đawit kơplah sư năm hơdai hăm linh Philistin tơblah hăm Sôl, mă-lei sư hăm lu linh sư ưh kơ đei tơgŭm linh Philistin yua kơ lu bơngai Philistin tơweh Đawit khan: “Hli kơ sư wih hơlơ̆k hăm Sôl, yŏng tơ'ngla sư, pơm kơnê̆ chơ̆ng kơ̆l lu bơ̆n dơ̆ng.

II Ho 24:20

Yang Bơhngol 'lơ̆ng đơ̆ng Kră Yang 'Bok Kei-Dei pơdrŭt Sachari, kon drŏ-nglo Jêhôiada 'bok soi, sư iung dơ̆ng 'bơ̆t anăp lu kon pơlei na khan: “Kră Yang 'Bok Kei-Dei khan thoi âu: ‘Yua kơ kiơ lu iĕm ưh kơ kiơ̆ nơ̆r Kră Yang tơtă? Thoi noh lu iĕm ưh kơ đei pŭn hiôk ôh. Yua kơ lu iĕm achăng lê̆ Kră Yang boih păng Sư kư̆m achăng lê̆ lu iĕm.’ ”

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Jo 10:3

Tơdah đe hlôm yua pơđĭ 'bar tŏ keng lei đĭ-đăng lu bơngai năm akŭm tơ ih 'bơ̆t 'măng Bơsŭn Anih Akŭm,

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.

Jôsuê 17:2

Đe kư̆m đei klah asong adrĕch Manase, kiơ̆ kơ adrĕch adrung lu sư; lu kon sâu Abiêse, kon sâu Hêlek, kon sâu Asriel, kon sâu Sichem, kon sâu Hêpher, kon sâu Sêmiđa. Noh kon drŏ-nglo Manase, Sâu Jôsep, kiơ̆ kơ adrĕch adrung lu sư.

Lu 13:25

Yang bơhngol 'lơ̆ng Kră Yang pơih ăn kơ jơhngơ̆m sư pran kơplah sư oei tơ lăm tơring Mahaneh Đan sơlam pơlei Sôra păng Êstaôl.

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Lu 3:27

Lăp sư truh tơ noh sư hlôm keng tơ lăm groi kông Êphraim; na kon pơlei Isơrael jur hơdai hăm sư đơ̆ng kơpal kông păng sư pơm yŏng chông ba lu sư.

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.

Lu 8:2

Mă-lei Giđêôn khan kơ lu sư: Dôm tơdrong jang inh pơm hăm wă gơh pơting inh hăm lu iĕm? Thoi mă plei hơmu lu bơngai Êphraim chă dônh hăm hloh kơ bơyan phĕ plei hơmu lu bơngai Abiêse?

I Sam 10:6

Yang bơhngol Kră Yang gô mơ̆t lăm ih gô suang khan lê̆ adrol hăm lu sư, ih gô jing bơngai nai.

I Sam 11:6

Lăp Sôl kơtơ̆ng tơdrong noh, sư đei Yang Bơhngol đơ̆ng Kră Yang 'Bok Kei-Dei pơtrŭt sư păng sư hil blĕk ơh dêh.

I Sam 13:3

Jônathan blah kơđông pơlôch yŏng Philistin kơtơ̆ng tơ Gêba. Kon pơlei Philistin băt tơdrong noh. Sôl athei đe hlôm keng jơ̆p kơ tơring, na khan: Kon pơlei Hêbrơ mơ̆ng bĕ!

I Sam 16:14

Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.