Lu 6:30 - Sơ̆p Hlabơar Nơ̆r 'Bok Kei-Dei

³⁰ Lu kon pơlei pơla khan kơ Jôas: Ăn kon ih lĕch, sư gô lôch yua kơ sư pơrăm chơnang soi kơkuh kơ yang Baal păng kăl tơpăk lê̆ gơ̆ng rup yang Asêra cheng noh hai.

Lu 6:30 Iomraidhean Croise

Je 26:11

Lu 'bok soi, lu 'bok khan lê̆ adrol, pơma hăm lu kră pơgơ̆r păng đĭ-đăng kon pơlei pơla khan: Bơngai âu trŏ kơ pơlôch, yua kơ sư đei pơma khan lê̆ adrol wă pơm kơ pơlei âu, đon lu iĕm đei kơtơ̆ng boih.

Je 50:38

Phang-ang, pơhrơ̆ đĭ rim đak! Ăn kơ rim đak hrĕng kro. Yua kơ char noh kơkuh kơ rup yang, Yua kơ kiơ̆ lu rup yang noh na lu sư jing wơnh.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Jang 26:9

“Sơ̆ inh kư̆m wă pơrăm tơpă lu bơngai lui kiơ̆ kơ Yêsu, sư bơngai Pơlei Nasaret.

Philip 3:6

Inh kư̆m pơm kơnê̆ kơ lu bơngai lui kơ Yêsu yua kơ inh ngêh kơ 'Bok Kei-Dei wă thoi noh tơpă; mă tơdrong juăt Môis inh ưh kơ pơm kơnê̆, pơm yoch ôh.

Lu 6:29

lu sư apinh dih băl khan: Bu pơm tơdrong 'nâu? Đang kơ lu sư apinh păng chă hơlen, khan đei bơngai roi kơ lu sư: Giđêôn kon drŏ-nglo Jôas pơm tơdrong noh.

Lu 6:31

Mă-lei Jôas tơl tơwih kơ lu bơngai wă pơm kơnê̆ hăm sư: Lu iĕm wă blah dŏng yang Baal hă? Lu iĕm wă dŏng sư dah kiơ? Bơngai bu wă blah dŏng sư gô lôch pơgê 'nâu. Dah Baal yang tơpă, lê̆ kơ sư năm tơblah kơdih bĕ, yua kơ chơnang soi sư đe pơrăm boih to.