Lu 6:3 - Sơ̆p Hlabơar Nơ̆r 'Bok Kei-Dei

³ Mưh lu bơngai Isơrael chă rei adrĕch, kon pơlei Miđian hăm kon pơlei Amalek păng bơngai đơ̆ng gah hơlĕch năm blah bơngai Isơrael.

Lu 6:3 Iomraidhean Croise

Bl 25:6

Gah kon đơ̆ng bre akăn sư Hơgar păng Kêtura tơpŭ ăn noh sư asong ăn jên tơmam kơplah sư oei arih păng athei oei tơ dêh char gah hơlĕch, ataih đơ̆ng kon tơnơm sư Isăk.

Bl 29:1

Đơ̆ng noh Jakôp sư yak năm dĭng truh tơ tơring lu kon pơlei gah hơlĕch.

I Pot 20:27

Bơngai Isơrael kư̆m krao akŭm đĭ-đăng, hơmet tơmam sa wă tơblah. Kon pơlei Isơrael pơm kơđông lu sư 'bơ̆t anăp tơklă kon pơlei Siri thoi 'bar khŭl bơbe tŏ-ĕt, gah lu linh bơngai Siri lơ dêh 'bĕnh-'bang kơ tơring char.

I Pot 4:30

Sôlômôn gơh hơgei hloh kơ tơdrong hơgei lu bơngai dêh char gah hơlĕch păng hloh kơ tơdrong gơh hơgei lu bơngai Êyiptơ.

I Pot 5:10

Thoi noh Hiram kăl ăn kơ Sôlômôn 'long hơngo păng 'long hơngo hla iĕ kiơ̆ thoi sư apinh wă.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Jop 31:8

Ăn kơ bơngai nai sa mă đơ̆ng inh rei, Ăn kơ lu sư buch lê̆ đêl inh pơtăm.

Le 17:8

Kơplah noh, kon pơlei Amalek năm wă tơblah hăm kon pơlei Isơrael tơ Rêphiđim.

Êsai 11:14

Mă-lei lu sư gô jur năm pơm kơ Philistin tơ gah bơmơ̆t, lu sư wang plah tơgar iŏk pơlei teh đak gah hơlĕch, lu sư yơ̆r ti pơm kơ Eđôm păng Môap, Ammôn gô chu kơ lu sư.

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Je 49:28

Gah lu bơngai Kêdar păng kon pơlei tơring char Hasor mă Nebukatnessar pơtao Babilôn blah iŏk boih. 'Nâu Kră Yang khan: “Iung bĕ, năm blah lu bơngai Kêdar, Pơrăm lu kon pơlei gah hơlĕch.

Êsêkiên 25:3

Athei khan kơ kon pơlei Ammôn: Athei mơ̆ng nơ̆r Kră Yang. Kră Yang khan thoi âu: Yua kơ ih đei che bơle khan: “Aha!” Kơ anih rơgoh Inh kơplah đe pơm pơ'mê̆ kơ sư, kơ dêh char Isơrael kơplah sư đĭ juơ, kơ adrĕch Juđa kơplah lu sư đe rôp pơm bơnă,

Êsêkiên 25:4

na Inh gô pơjao ih kơ lu adrĕch adrung gah hơlĕch yua pơm tơmam sư. Lu sư gô pơm anih tơ lăm ih; păng oei tơ noh; lu sư gô phĕ sa plei 'long ih păng nhă đak toh ih.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Mi 6:15

Lu iĕm gô rei mă-lei ưh kơ đei kĕch yuă; iĕm hmĕt đak ôliwơ mă-lei ưh kơ đei tring mong ôh; lu iĕm gô hmĕt chơpĕt đak hơmu mă-lei ưh kơ đei huch đak hơmu noh.

Both 28:51

Lu sư gô sa đĭ lu sem dơrong hơnik hơnam plei sa đơ̆ng chŭn mir iĕm dĭng truh tơ lu iĕm răm đĭ; sư ưh kơ lê̆ kiơ mă phe 'ba hơ'bo, sik hơmu, đak rơmă ôliwơ, dah rơmo păng triu ih, dĭng truh iĕm lôch răm đĭ.

Lu 10:12

Kŭm pơklaih iĕm đơ̆ng lu kon pơlei Siđôn, kon pơlei Amalek păng kon pơlei Maôn pơjuă pơđep lu iĕm. Na lu iĕm krao ôr apinh Inh, na Inh hăm dŏng pơklaih lu iĕm boih đơ̆ng ti lu sư?

Lu 3:13

Thoi noh Eglôn akŭm hơdai hăm kon pơlei Ammôn păng kon pơlei Amalek năm blah kon pơlei Isơrael jei lu sư; păng đei blah iŏk pơgơ̆r pơlei 'Long gol. a

Lu 6:2

Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

Lu 6:33

Đĭ-đăng lu kon pơlei Miđian, kon pơlei Amalek păng lu bơngai đơ̆ng tơring gah hơlĕch pơgơ̆p băl hơdai, năm tŏk tơ pah to kơ đak Krong Jôrđăn, pơm bơsŭn oei tơ thŭng Jêsreel.

Lu 6:4

Lu sư pơm anih linh wă chă pơrăm lu sư, pơrăm đĭ-đăng tơmam sa plei sa truh tơ tơring Gasa ưh pă đei lê̆ minh tơmam sa kiơ kơ lu bơngai Isơrael, mă triu, rơmo dah aseh iĕ.

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

Lu 8:10

Sêba păng Salmuna oei tơ pơlei Karkơr hơdai hăm linh lu sư, dang mơjĭt-pơđăm rơbâu 'nu bơngai; noh đĭ-đăng lu bơngai mă oei arih lăm khŭl lu linh bơngai gah hơlĕch; yua kơ minh-hrĕng 'bar-jĭt rơbâu 'nu bơngai chĕp đao gưm đe pơlôch đĭ boih.