Lu 6:2 - Sơ̆p Hlabơar Nơ̆r 'Bok Kei-Dei

² Lu bơngai Miđian blah lu bơngai Isơrael jei lu sư; yua kơ lu bơngai Isơrael hli kơ lu bơngai Miđian na lu bơngai Isơrael kơdâu ôn oei tơ kông kŏ, lăm sơlŭng lăm hơgơp tơmo dah chă ôn tơ lăm lu pơlei kơjăp.

Lu 6:2 Iomraidhean Croise

Jop 30:6

Lu sư oei rok lăm thong cheng kông, Lăm trôm lăm teh, dah lăm sơlam lu hơgơp tơmo.

Je 41:9

Ismael kon drŏ-nglo Nethania, klơ̆m lê̆ akâu lu bơngai sư pơlôch tơ lăm sơlŭng Gêđalia mă pơtao Asa sir, wă găn Baasa, pơtao Isơrael. Ismael kon drŏ-nglo Nethania klơ̆m lu akâu bơngai mă đêl sư pơlôch, 'bĕnh kơ sơlŭng să noh.

Je 48:28

Ơ kon pơlei oei lăm char Môap, weh bĕ đơ̆ng pơlei tih, năm oei tơ lăm hơgơp tơmo thoi sem pơgâm 'nơ̆m pơm tơpu lăm trôm kông.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Hêbrơ 11:38

Jô̆ gah tơdrong pơm 'lơ̆ng tơpăt, lu sư 'lơ̆ng hloh kơ đĭ-đăng bơngai ala teh, pă rŏ kơ lu sư oei tơ teh âu, mă-lei lu sư oei oăi tơ tơmăn glă, tơ kông krang hang nak, tơ gơp tơmo.

Tơdrông Tơ'bôh 6:15

Lu bơngai ưh kơ lui tơ ala teh âu, mơ'nah pơm 'bok pơtao, mơ'nah pơm tih tơdrong nai, mơ'nah pơm tih linh, mơ'nah bơngai mơdrŏng, mơ'nah bơngai pran tih, đei mơ'nah đĭch đe, mơ'nah rơngei, đĭ lu sư hli tơrơ kơdâu ôn kơdih kơdih tơ hơgơp tơmo hơgơp teh.

Lu 10:8

Iŏk đơ̆ng sơnăm noh, 'bar khŭl adrĕch 'nâu pơgŏ pơđep pơjuă bơhlơ̆r lu sư lăm mơjĭt-tơhngam sơnăm. Lu sư pơjuă pơđep kon pơlei Isơrael oei tơ gah hơlĕch kơ đak Krong Jôrđăn lăm char Gileat tơ tơring sơ̆ char bơngai Amôrit

Lu 10:9

Kon pơlei Ammôn kư̆m tŏk kơ đak Krong Jôrđăn, năm blah lu bơngai Juđa, lu bơngai Bênjamin păng lu bơngai Êphraim; lu bơngai Isơrael đei tơdrong pơmat-tat tih tơpă.

Lu 6:3

Mưh lu bơngai Isơrael chă rei adrĕch, kon pơlei Miđian hăm kon pơlei Amalek păng bơngai đơ̆ng gah hơlĕch năm blah bơngai Isơrael.

I Sam 13:6

Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

I Sam 14:11

Thoi noh na măr sư năm tơ kơđông bơngai Philistin, tơ'bôh akâu bre sư. Bơngai Philistin pơma tơduă: Lăng to lu bơngai Hêbrơ lĕch đơ̆ng hơgơp tơmo anih mă lu sư ôn.