Lu 6:14 - Sơ̆p Hlabơar Nơ̆r 'Bok Kei-Dei

¹⁴ Kră Yang wih lăng tơ sư păng khan: Năm bĕ yua hăm jơhngơ̆m pran kơtang ih đei boih năm dŏng pơklaih lu bơngai Isơrael đơ̆ng ti kon pơlei Miđian. Hăm trŏ Inh oei wơh ih năm dah ưh?

Lu 6:14 Iomraidhean Croise

Le 3:10

na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Hêbrơ 11:32

Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

Lu 13:3

Linh jang 'lơ̆ng Kră Yang jur năm 'bơ̆t bơngai drŏ-kăn 'noh na khan: Ih bơngai hơwŏng ưh kơ đei kon, mă-lei ih gô anăp păng gô tơpŭ minh 'nu kon drŏ-nglo.

Lu 4:6

Yă ei wơh athei đe krao Barak kon drŏ-nglo Abinôam đơ̆ng pơlei Kêđes lăm dêh char Naptali, na khan kơ sư: Kră Yang 'Bok Kei-Dei Isơrael tơtă kơ ih: Năm rơih akŭm minh-rơbâu 'nu bơngai đơ̆ng adrĕch Naptali păng lăm kon sâu Sebulun păng tŏk tơ kông Tabôr,

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.

Lu 6:36

Giđêôn pơma dơnuh hăm Kră Yang 'Bok Kei-Dei: Tơdah Ih wă yua inh dŏng pơklaih lu bơngai Isơrael, thoi nơ̆r Ih đei khan boih,

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.