Lu 6:13 - Sơ̆p Hlabơar Nơ̆r 'Bok Kei-Dei

¹³ Giđêôn tơl: Ơ Yŏng tơ'ngla, tơdah Kră Yang oei hơdai lu nhôn, liơ lu nhôn mă đei tơdrong truh thoi âu? Lu tơdrong hlĭch chrơp mă 'bok lu nhôn đei roi khan kơ nhôn kơtơ̆ng tơ yơ? Lu sư khan: Hăm trŏ kơ Kră Yang chông ba lu bơ̆n lĕch đơ̆ng dêh Êyiptơ? Mă-lei dang ei Kră Yang achăng lê̆ lu nhôn, na pơjao lu nhôn lăm ti bơngai Miđian.

Lu 6:13 Iomraidhean Croise

Bl 25:22

Mă-lei yua kơ anăp kơmar nhen tơjrot băl lăm klak, na sư khan thoi âu: “Tơdah đei tơpă thoi noh, tơdrong thoi âu wă pơm kiơ?” Sư apinh Kră Yang tơdrong noh.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

Horiso 27:9

Ơ Kră Yang 'Bok Kei-Dei mă dŏng pơklaih inh, Apinh 'nĕ ôn muh măt Ih kơ inh. 'Nĕ kơ pơpuh lu đĭch đam Ih Kơplah Ih hil blĕk. Ih jơ̆ Kră Yang tơgŭm dŏng inh, 'nĕ kơ lê̆ inh, 'nĕ kơ achăng inh.

Horiso 44:1

Ơ Kră Yang 'Bok Kei-Dei, đon lu nhôn đei kơtơ̆ng, Lu 'bok yă nhôn đei roi ăn, Tơdrong jang Kră Yang đei pơm lăm chăl arih lu sư. Sơ̆ ki sơ̆ kach.

Horiso 44:2

Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.

Horiso 44:9

Mă-lei dang ei Ih achăng lê̆ lu nhôn boih, pơm ăn kơ lu nhôn mơlâu. Ih kư̆m ưh pă đei nămc hăm lu linh nhôn boih,

Horiso 89:49

Ơ Kră Yang, tơ yơ tơdrong 'mêm tih Ih, tơ yơ tơdrong 'lơ̆ng tơpăt Ih mă đei pơkă pơkăm hăm Đawit sơ̆?

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Je 23:33

“Dah kon pơlei 'nâu, lu 'bok khan lê̆ adrol, lu 'bok soi jet ih: ‘Tơdrong trăp đơ̆ng Kră Yang noh kiơ?’ Ih athei khan kơ lu sư: ‘Lu iĕm boih tơdrong trăp. Inh gô tŭk lê̆ iĕm,’ ” Kră Yang khan.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 29:24

Đĭ-đăng adrĕch adrung lu sư gô jet: Lơliơ mă Kră Yang pơm kơ dêh âu thoi noh liơ mă tơdrong Sư hil mĭl tih krưp dêh thoi noh?

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Lu 6:1

Lu bơngai Isơrael pơm tơdrong kơnê̆ dơ̆ng 'bơ̆t anăp Kră Yang; na Kră Yang jao lu sư lăm ti kon pơlei Miđian lăm tơpơh sơnăm.

Lu 6:12

Linh jang 'lơ̆ng Kră Yang tơ'bôh kơ sư na khan: Ơ bơngai nuih kơtang, Kră Yang oei hơdai ih!