Lu 6:10 - Sơ̆p Hlabơar Nơ̆r 'Bok Kei-Dei

¹⁰ Inh đei khan kơ lu iĕm: Inh boih Kră Yang 'Bok Kei-Dei lu iĕm; 'nĕ kơ drap kơkuh kơ lu yang kon pơlei Amôrit lăm dêh char mă lu iĕm oei. Mă-lei lu iĕm ưh kơ đei wă mơ̆ng kiơ̆ nơ̆r Inh!

Lu 6:10 Iomraidhean Croise

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

II Pot 17:33

Lu adrĕch adrung ei kơkuh kơ Kră Yang mă-lei kư̆m kơkuh kơ yang sư kơdih oei bơwei lu tơdrong juăt adrĕch adrung lu sư.

II Pot 17:7

Tơdrong 'nâu truh yua kơ kon pơlei Isơrael đei pơm yoch boih hăm Kră Yang 'Bok Kei-Dei lu sư, Tơ'ngla mă hlôi dui iŏk lu sư lĕch đơ̆ng dêh Êyiptơ; păng đơ̆ng pơtao Pharaôn pơtao đe Êyiptơ pơgŏ pơđep lu sư. Lu sư hlôi kơkuh bơih kơ yang nai,

Ne 9:29

Ih pơma chrih kơ lu sư, wă kơ chông lu sư wih brŏk dơ̆ng tơ khôi juăt Ih lei ră lu sư kư̆ pơang kuă kơ mơ̆ng dôm lu khôi juăt Ih, pơm glăi kơ tơdrong juăt Ih. Tơdrong juăt mă tơdah bơngai bu chu pơm kiơ̆ gơh đei tơdrong arih; lu sư arăng kơ̆l wih rŏng ưh kơ wă pơm kiơ̆.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

Le 34:14

Iĕm 'nĕ kơ drap kơkuh kơ lu yang nai ôh. Yua kơ Inh boih Kră Yang jơ̆ 'Bok Kei-Dei tơ'ngla băt gar.

Tơdrông Pơđơk 5:13

Inh ưh kơ chu bơih nơ̆r lu 'bok bơtho khan; Inh kư̆m kuă kơ pơgling đon mơ̆ng kiơ̆ nơ̆r đe bơtho khan kơ inh.

Je 10:2

Kră Yang khan: “'Nĕ kơ arih kiơ̆ trong lu bơngai dêh nai, 'nĕ kơ hli mă đei tơdra tơ plĕnh, mă khan lu sư bơngai dêh nai ngăl hli kơ tơdra noh.

Je 17:23

Mă-lei, lu sư ưh kơ wă mơ̆ng; ưh kơ wă pơgling đon; arăng kơ̆l ưh kơ wă mơ̆ng păng kư̆m ưh kơ wă chu Inh bơtho.”

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 42:21

Năr 'nâu inh đei roi boih kơ lu iĕm, mă-lei lu iĕm ưh kơ wă chu kiơ̆ nơ̆r Kră Yang 'Bok Kei-Dei lu iĕm, ưh kơ wă pơm kiơ̆ dôm lu tơdrong mă Kră Yang đei athei inh roi ăn kơ lu iĕm.

Je 43:4

Thoi ei na, Jôhanan, kon drŏ-nglo Karea, lu yŏng pơgơ̆r linh păng đĭ-đăng lu kon pơlei ưh kơ chu kiơ̆ nơ̆r Kră Yang bơtho athei oei lăm char Juđa đĕch.”

Je 43:7

Na lu sư jur năm tơ char Êyiptơ, truh tơ pơlei Tahpanhes. Lu sư ưh kơ chu kiơ̆ nơ̆r Kră Yang.

Je 9:13

Kră Yang khan: “Yua kơ lu sư achăng lê̆ boih khôi juăt Inh mă đei tơbăt, kư̆m ưh kơ wă mơ̆ng nơ̆r Inh păng kư̆m kuă kơ arih kiơ̆ tơdrong juăt Inh.

Jêphania 3:2

Sư ưh kơ 'maih mơ̆ng đe ôh; ưh kơ wă chu kơ đe teh bơtho; ưh kơ wă gơnang kơ Kră Yang; ưh kơ năm jê̆ Kră Yang 'Bok Kei-Dei.

Rom 10:16

Mă đei đe năm bơtho tơdrong 'nao 'lơ̆ng ưh kơ sĭ đe lui đĭ hloi ôh, yua kơ tơdrong noh 'blep thoi tơdrong Êsai chih roi sơ̆ thoi âu: “Ơ Kră Yang, nhôn bơtho tơdrong Ih ră đe kuă kơ lui.”

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?

Lu 6:9

Inh dŏng pơklaih lu iĕm đơ̆ng ti lu bơngai Êyiptơ păng klaih iĕm đơ̆ng lu bơngai pơjuă pơđep lu iĕm; Inh pơpuh lê̆ lu sư weh ataih đơ̆ng lu iĕm; păng ăn boih kơ lu iĕm iŏk dêh char lu sư.