Lu 5:23 - Sơ̆p Hlabơar Nơ̆r 'Bok Kei-Dei

²³ Linh jang Kră Yang khan: Hiap bĕ kon pơlei Mêrơs; Hiap bĕ lu kon pơlei sư mă kơnê̆. Yua kơ lu sư ưh kơ wă tơgŭm Kră Yang, Lu sư ưh kơ đei tơgŭm Kră Yang blah lu bơngai mă pơm kơnê̆ dêh!

Lu 5:23 Iomraidhean Croise

Ne 3:5

Tơtil lu đe noh, lu bơngai pơlei Têkôa man, mă-lei gah lu bơngai mơdrŏng lu sư kuă kơ bơ̆jang tơgŭm ôh kơ lu yŏng sư kơdih.

Horiso 94:16

Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Rom 15:18

Ưh kơ sĭ inh pơma gah tơdrong đe nai ôh. Inh pơma gah tơdrong jang inh mă đơ̆ng Yêsu Krist tơgŭm. Sư tơgŭm inh jang wă anhăk lơ bơngai tơmoi mă ưh kơ khŭl Juđê lui kơ Sư. Sư tơgŭm inh lăm tơdrong bơtho păng lơ tơdrong nai dơ̆ng wă kơ lu bơngai noh lui kơ Sư.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Lu 13:3

Linh jang 'lơ̆ng Kră Yang jur năm 'bơ̆t bơngai drŏ-kăn 'noh na khan: Ih bơngai hơwŏng ưh kơ đei kon, mă-lei ih gô anăp păng gô tơpŭ minh 'nu kon drŏ-nglo.

Lu 2:1

Linh jang 'lơ̆ng Kră Yang năm tŏk đơ̆ng pơlei Gilgal truh tơ Bôkim păng khan thoi âu: Inh chông ba lu iĕm hlôi đơ̆ng dêh Êyiptơ boih, ba iĕm mơ̆t tơ dêh char mă Inh đei pơkă hăm 'bok yă wă ăn kơ adrĕch adrung lu sư. Inh đei khan kơ iĕm. ‘Inh ưh kơ đei layơ hŭt lê̆ dôm tơdrong mă Inh pơkă hăm lu iĕm;

Lu 21:5

Na lu kon pơlei Isơrael khan: Lăm lu adrĕch bơngai Isơrael bu mă ưh kơ đei akŭm hơdai bơ̆n 'bơ̆t anăp Kră Yang tơ âu? Lu sư khan thoi noh yua kơ lu bơngai Isơrael đei pơkă pơkăm boih: Bơngai bu mă ưh kơ năm truh akŭm tơ Mispa 'bơ̆t anăp Kră Yang, bơngai 'noh đe gô pơlôch sư!

Lu 21:8

Đơ̆ng noh lu sư khan? Lăm dôm lu bơngai Isơrael bơngai bu ưh kơ đei năm dơ̆ng 'bơ̆t anăp Kră Yang tơ Mispa? Đơ̆ng pơlei Jabes tơ Gileat ưh kơ đei bu năm akŭm hơdai lăm năr noh.

Lu 4:6

Yă ei wơh athei đe krao Barak kon drŏ-nglo Abinôam đơ̆ng pơlei Kêđes lăm dêh char Naptali, na khan kơ sư: Kră Yang 'Bok Kei-Dei Isơrael tơtă kơ ih: Năm rơih akŭm minh-rơbâu 'nu bơngai đơ̆ng adrĕch Naptali păng lăm kon sâu Sebulun păng tŏk tơ kông Tabôr,

Lu 5:13

Ơ lu bơngai mă lăm lu adrĕch tih mơng năm jur bĕ. Lu kon pơlei Kră Yang jur năm tơ inh, hơdai hăm lu nuih kơtang!

Lu 6:11

Linh jang 'lơ̆ng Kră Yang năm ngôi tơ ala yơ̆p 'long kôih tơ pơlei Ôphra, lăm dêh char Jôas, adrĕch bơngai Abierit kơplah noh Giđêôn kon drŏ-nglo Jôas, oei pơjuă ba tơ anih đe hơmet đak hơmu wă ôn kơ lu bơngai Miđian.

Lu 8:5

Giđêôn khan kơ bơngai pơlei Sukôt: Inh apinh iĕm asong bĕ 'bĕng hơya tŏ sĕt ăn kơ lu kon pơlei kiơ̆ inh; yua kơ lu sư gleh lap dêh; inh oei druh 'moi Sêba păng Salmuna, 'bar 'nu pơtao Miđian.

Lu 8:6

Mă-lei lu 'bok pơgơ̆r pơlei Sukôt khan, ih tam đei rôp bre Sêba păng Salmuna ưh, na mă wă kơ lu nhôn asong ăn kơ lu linh ih 'bĕng sa.

Lu 8:8

Đơ̆ng noh sư năm tơ pơlei Pênuêl kư̆m apinh lu sư. Kon pơlei Pênuêl tơl sư lei-lăi thoi bơngai pơlei Sukôt đei khan.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.