Lu 5:14 - Sơ̆p Hlabơar Nơ̆r 'Bok Kei-Dei

¹⁴ Đơ̆ng adrĕch Êphraim lu bơngai jơnơ̆na đơ̆ng dêh Amalek; Kiơ̆ rong đei adrĕch Bênjamin, 'nhŏng oh sư. Lu 'bok pơgơ̆r linh truh đơ̆ng Makir păng kư̆m đei lu bơngai yŏng linh chĕp 'long jra truh đơ̆ng Sebulun.

Lu 5:14 Iomraidhean Croise

Bl 35:22

Kơplah, lu đe Isơrael oei tơ dêh noh, na Rubên đei năm 'bĭch hơdai Bila, akăn kơnhŏng 'bă sư; Isơrael băt tơdrong noh.

Bl 35:23

'Nâu Jakôp sư đei mơjĭt-'bar 'nu kon drŏ-nglo: Kon Lêa: Rubên, sư kon kơdră Jakôp, đơ̆ng noh Simêôn, Lêwi, Juđa, Isakar păng Sabulôn.

Bl 35:24

Kon Rachel: Jôsep păng Bênjamin.

Horiso 68:27

To Bênjamin adrĕch tŏ sĕt, mă wei pơgơ̆r lu sư. Lu yŏng pơgơ̆r bơngai Juđa, hăm khŭl lu sư. Lu yŏng pơgơ̆r Sabulôn păng lu yŏng pơgơ̆r Neptali.

Hôsia 5:8

Hlôm keng bĕ tơ pơlei Gibêah, Hlôm tơgiĕp tơ pơlei Rama. Ôr bĕ đei lu ayăt tơ pơlei Bêt Awen, ‘Ơ Bênjamin, nhôn tơ gah rŏng ih âu!

Lu 12:15

Đang đơ̆ng rŏng kơ Apđôn, kon drŏ-nglo Hilel lôch; đe 'bŭ sư tơ pơlei Pirathon lăm dêh Êphraim, lăm char gah groi kông bơngai Amalek.

Lu 3:13

Thoi noh Eglôn akŭm hơdai hăm kon pơlei Ammôn păng kon pơlei Amalek năm blah kon pơlei Isơrael jei lu sư; păng đei blah iŏk pơgơ̆r pơlei 'Long gol. a

Lu 3:27

Lăp sư truh tơ noh sư hlôm keng tơ lăm groi kông Êphraim; na kon pơlei Isơrael jur hơdai hăm sư đơ̆ng kơpal kông păng sư pơm yŏng chông ba lu sư.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

Lu 4:14

Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.

Lu 5:13

Ơ lu bơngai mă lăm lu adrĕch tih mơng năm jur bĕ. Lu kon pơlei Kră Yang jur năm tơ inh, hơdai hăm lu nuih kơtang!