Lu 5:1 - Sơ̆p Hlabơar Nơ̆r 'Bok Kei-Dei

¹ Lăm năr ei, Đêbôra hăm Barak, kon drŏ-nglo Abinôam hơri nơ̆r âu:

Lu 5:1 Iomraidhean Croise

II Sam 22:1

Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.

II Ho 20:21

Đang kơ sư đei pơma pơđâu hăm kon pơlei pơla boih, na sư rơih iŏk đei khŭl hơri wă ư-ang kơ Kră Yang rang rŏ hơri bơnê ư-ang Kră Yang 'lơ̆ng rơgoh rang rŏ, lu sư yak adrol kơ khŭl linh, ôr khan: “Bơnê bĕ kơ Kră Yang. Tơdrong Sư 'mêm mơnat oei oei ling-lang.”

II Ho 20:27

Đơ̆ng noh pơtao Jêhôsaphat yak adrol kơ đĭ-đăng bơngai Juđa păng lu bơngai oei lăm pơlei Jêrusalem chơt hiôk wih tơ pơlei Jêrusalem; Kră Yang ăn kơ lu sư chơt hiôk, yua kơ Kră Yang blah pơrăm đĭ boih linh ayăt.

Jop 36:24

'Blŏk hơri bơnê bĕ dôm tơdrong jang Kră Yang, Mă kon bơngai juăt kơ đei hơri bơnê.

Jop 38:7

Kơplah sơnglŏng wŏng-tar hơri hơdai. Păng lu kon drŏ-nglo Kră Yang 'Bok Kei-Dei ôr jreo chơt hiôk.

Horiso 18:1

Ơ Kră Yang, inh 'mêm kơ Ih boih jơhngơ̆m inh pran.

Horiso 32:7

Ih bơih anih inh kơ'nơp, Ih tơgŭm inh lăm năr đei tơdrong truh, Ih wang tăp kơ inh hăm tơdrong hơrid dŏng pơklaih. Sêla

Le 15:1

Đơ̆ng noh, Môis păng kon pơlei Isơrael hơri 'bai 'nâu kơ Kră Yang, khan: Inh gô hơri ư-ang kơ Kră Yang, yua kơ Sư mơsêh mơyang tih. Kră Yang klơ̆m lê̆ aseh păng bơngai hao aseh lăm đak dơsĭ.

Le 15:21

Miriam hơri tơl lu sư: Hơri ư-ang bĕ kơ Kră Yang, yua kơ Sư mơsêh mơyang tih hloh. Sư klơ̆m lê̆ aseh păng bơngai hao aseh lăm đak dơsĭ.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 26:1

Lăm năr noh tơ dêh Juđa, đe gô hơri 'bai âu: Lu bơ̆n đei pơlei tih kơjăp! Kră Yang 'Bok Kei-Dei ăn tơdrong dŏng pơklaih Sư pơm thoi dur pơlei kơjăp.

Jo 21:17

Kơplah noh lu bơngai Isơrael hat hơri tơdrong âu: Ơ sơlŭng đak, bluh đak bĕ! Hat hơri kơ sư bĕ!

Luka 1:46

Na Mari khan: “Jơhngơ̆m inh bơnê ư-ang kơ Kră Yang dêh,

Lu 4:24

Lu bơngai Isơrael rai đunh rai pran blah iŏk Jabin jei sư, pơtao Kanaan dĭng truh kơ sư pơlôch pơrăm đĭ.

Lu 4:4

Lăm kơplah noh, Đêbôra bơngai drŏ-kăn khan lê̆ adrol, akăn Lapiđôt, yă sek tơlang kon pơlei Isơrael.

I Sam 2:1

Hana krao apinh păng khan: Jơhngơ̆m inh chơt hiôk lăm Kră Yang; Kră Yang pơm ăn kơ jơhngơ̆m inh hiôk chơt. 'Bơ̆r inh pơma pơgreh khan kơ lu bơngai ayăt kơ inh. Inh chơt hiôk Ih dŏng pơklaih inh.